-->

ಗೋದಾನದ ಮಹತ್ವ , ಬ್ರಹ್ಮಚರ್ಯದ ಮಹತ್ವ ಹೇಳಿದ ಬೀಷ್ಮ

ಯಾರು ಹುಟ್ಟಿದಾಗಿನಿಂದ ಸಾಯುವ ವರೆಗೂ ಬ್ರಹ್ಮಚಾರಿಯಾಗಿಯೇ ಇರುವರೋ ಅವರಿಗೆ ದೊರಕದೇ ಇರುವ ವಸ್ತುಗಳೇ ಯಾವುದೂ ಇಲ್ಲ ಎಂದು ಬೀಷ್ಮಾಚಾರ್ಯರು ಧರ್ಮರಾಜನಿಗೆ ಬ್ರಹ್ಮಚರ್ಯ ಪಾಲನೆ ಮಹತ್ವ ಕುರಿತು ಹೇಳುತ್ತಾರೆ.

ಈ ಲೋಕದಲ್ಲಿ ಸತ್ಯನಿಷ್ಠರಾಗಿದ್ದ, ಜಿತೇಂದ್ರಿಯರಾಗಿದ್ದ ಮತ್ತು ಊರ್ಧರೇತಸ್ಯರಾಗಿದ್ದ ಅನೇಕ ಕೋಟಿ ಕೋಟಿ ಋಷಿಗಳು ಈಗ ಬ್ರಹ್ಮ ಲೋಕದಲ್ಲಿ ವಾಸಮಾಡುತ್ತಿದ್ದಾರೆ.

ಯಾರಾದರೂ ವಿಶೇಷವಾದ ರೀತಿಯಲ್ಲಿ ಬ್ರಹ್ಮಚರ್ಯವ್ರತವನ್ನು ಪರಿಪಾಲಿಸಿದ್ದೇ ಆದರೆ ಅವರು ಆಬ್ರಹ್ಮಚರ್ಯ ದಿಂದಲೇ ತನ್ನಲ್ಲಿರುವ ಸಕಲ ಪಾಪಗಳನ್ನೂ ಭಸ್ಮಮಾಡಿಬಿಡುತ್ತಾನೆ. ಈ ನಿಯಮವು ಬ್ರಾಹ್ಮಣರಿಗೆ ವಿಶೇಷವಾಗಿ ಅನ್ವಯಿಸುತ್ತದೆ. ನೈಷ್ಟಿಕ ಬ್ರಹ್ಮಚರ್ಯವನ್ನು ಪಾಲಿಸುತ್ತಿರುವ ಬ್ರಾಹ್ಮಣರನ್ನು ಅಗ್ನಿಯೆಂದೇ ಹೇಳುತ್ತಾರೆ. ತಪಸ್ವಿಗಳಾದ ಬ್ರಾಹ್ಮಣರಲ್ಲಿ ಈ ಅಗ್ನಿತ್ವವು ಪ್ರತ್ಯಕ್ಷನಾಗಿಯೇ ಕಾಣುತ್ತದೆ, ಬ್ರಹ್ಮಚಾರಿಯ ಎದುರಾಗಿ ನಿಲ್ಲಲು ಇಂದ್ರನೂ ಹೆದರುತ್ತಾನೆ.  ಬ್ರಹ್ಮ ಚರ್ಯದ ಫಲವು ಋಷಿಗಳಲ್ಲಿಯೂ‌ ಕಂಡುಬರುತ್ತದೆ.ಯಾರು ತಂದೆ ತಾಯಿ, ಗುರುಗಳನ್ನು, ಆಚಾರ್ಯರನ್ನು, ಹಿರಿಯಣ್ಣನನ್ನುನಿರಂತರವಾಗಿ ಸೇವಿಸುವರೋ ಅವರ ಗುಣಗಳಲ್ಲಿ ದೇಹಗಳನ್ನೆಣಿಸುವುದಿಲ್ಲ. ಅಂತಹವರು ಸ್ವರ್ಗಲೋಕ ದಲ್ಲಿ ಸರ್ವಸಮ್ಮತವಾದ ಸ್ಥಾನವನ್ನು ಪಡೆಯುವತ್ತಾರೆ.  

ತಂದೆ-ತಾಯಿಗಳ, ಗುರುಗಳ, ಆಚಾರ್ಯರ ಸೇವೆಯಿಂದ ಸ್ವರ್ಗಲೋಕ ಪ್ರಾಪ್ತವಾಗುತ್ತದೆ ಗುರು ಶುಶ್ರೂಷೆಯಲ್ಲಿ ನಿರತರಾದ , ಜಿತೇಂದ್ರಿಯರಾದ ಮನುಷ್ಯರು ಯಾವ ಕಾರಣದಿಂದಲೂ ನರಕ ವನ್ನು ನೋಡಬೇಕಾಗುವುದಿಲ್ಲ ಎಂದು ಭೀಷ್ಮರು ಹೇಳಿದರು. ಗೋದಾನದ ಯಾವ ವಿಧಿಯಿಂದ ಶಾಶ್ವತವಾದ ಪುಣ್ಯ ಲೋಕ ಗಳು‌ ಸಿಗುತ್ತವೆ. ಅಂಥ ಗೋದಾನದ ಮಹಿಮೆ ಹೇಳು ಎಂದು ಧರ್ಮರಾಜನು ಕೇಳುತ್ತಾನೆ.
ಭೀಷ್ಮರು ಗೋದಾನದ ಬಗ್ಗೆ ಏನು ಹೇಳಿದರು ಎಂಬುದನ್ನು ತಿಳಿಯೋಣ.

ಗೋದಾನಕ್ಕಿಂತಲೂ ಶ್ರೇಷ್ಠವಾದ ಬೇರೆ ಯಾವ ದಾನವೂ ಇಲ್ಲ. ನ್ಯಾಯವಾದ ಮಾರ್ಗಗಳಿಂದ ಪ್ರಾಪ್ತವಾಗಿ ಸಾಕಲ್ಪಟ್ಟ ಗೋವು ಒಡನೆಯ ದಾತೃವಿನ ಕುಲವನ್ನು ಪಾವನಗೊಳಿಸುತ್ತದೆ. ಸತ್ಪುರುಷರಿಗೋಸ್ಕರ ಗೋದಾನದ ವಿಧಿಯನ್ನು ಉತ್ತಮ ವಾಗಿ ರಚಿಸಿ ಅದನ್ನು ಈ ಪ್ರಜೆಗಳಿಗೆ ವಿಶೇಷವಾಗಿ ಅನುಗ್ರಹಿಸಿಕೊಟ್ಡಿ ದ್ದಾರೆ ನಮ್ಮ ಋಷಿಗಳು. 

ಗೋದಾನದ ಮಹತ್ವ , ಬ್ರಹ್ಮಚರ್ಯದ ಮಹತ್ವ ಹೇಳಿದ ಬೀಷ್ಮ , ಮಹಾಭಾರತ ಸಾರ

ಬಹಳ ಹಿಂದಿನಿಂದಲೂ ಪ್ರಚಲಿತವಾಗಿರುವ ಶ್ರೇಷ್ಠವಾದ, ಗೋದಾನದ ಸಲುವಾಗಿ ರಚಿತವಾಗಿರುವ ಆ ವಿಧಿಯನ್ನು ಭೀಷ್ಮರು ಯುಧಿಷ್ಠಿರನಿಗೆ ಹೇಳುತ್ತಾರೆ. ಹಿಂದೊಮ್ಮೆ ಗೋದಾನದ ಸಲುವಾಗಿ ಮಾಂಧಾತೃ ಚಕ್ರವರ್ತಿಯು ಅನೇಕ ಹಸುಗಳು ಸಾಕಿದ್ದನು. ಆ ಸಮಯದಲ್ಲಿ ಮಾಂಧಾತೃ ವಿಗೆ ಆ ಗೋವುಗಳನ್ನು ಹೇಗೆ ದಾನಕೊಡಬೇಕು ಎಂಬ ಜಿಜ್ಞಾಸೆಯುಂಟಾಯಿತು.


ಆಗ  ಮಾಂಧಾತೃವೂ ಬೃಹಸ್ಪತಿ ಯನ್ನು ಗೋದಾನದ ಬಗ್ಗೆ ಕೇಳುತ್ತಾನೆ. ಗೋದಾನವನ್ನು ಮಾಡಲು ಇಚ್ಛಿಸಿರುವ ಮನುಷ್ಯನು ನಿಯಮ ಪೂರ್ವಕವಾಗಿ ವ್ರತಾನುಷ್ಠಾನ ಮಾಡಬೇಕು. ಸತ್ಪಾತ್ರನಾದ ಬ್ರಾಹ್ಮಣನನ್ನು ಆಹ್ವಾನಿಸಿ ಅವನನ್ನು ಯಥಾಯೋಗ್ಯವಾಗಿ ಸತ್ಕ ರಿಸಬೇಕು. ನಾಳೆ ಈ ಹಸುವನ್ನು ತಮಗೆ ದಾನ ಕೊಡುವೆ ಎಂದು ಸಂಕಲ್ಪ ಮಾಡಬೇಕು. ಅನಂತರ ರೋಹಿಣೀ ( ಕೆಂಪು ಬಣ್ಣದ ) ಹಸುವನ್ನು ತಂದು ಅದನ್ನು ಮುಟ್ಟಿ ನಮಸ್ಕರಿಸನೇಕು. ಅನಂತರ ಗೋವುಗಳ ಮಧ್ಯದಲ್ಲಿ ನಿಂತುಕೊಂಡು ಹಸುವು ನನ್ನ ತಾಯಿಯಾಗಿದೆ. ಗೂಳಿಯು ನನ್ನ ತಂದೆಯಾಗಿದೆ, ಗೋ - ವೃಷಭಗಳೆರಡೂ ನನಗೆ ಸ್ವರ್ಗವನ್ನು, ಐಹಿಕ ಸುಖವನ್ನೂ ದಯಪಾಸಲಿ, ಹಸುವೇ ನನ್ನ ಜೀವಿಕೆಗೆ ಆಧಾರಭೂತವಾಗಿದೆ.‌ಹೀಗೆ ಹೇಳಿ ಗೋವನ್ನು ಶರಣುಹೊಂದಿ ಆ ಗೋವುಗಳ ಮಧ್ಯದಲ್ಲಿಯೇ ಆ ರಾತ್ರಿಯನ್ನು ಕಳೆದರೆ  ಸಕಲಶಾಪಗಳಿಂದಲೂ ವಿಮುಕ್ತನಾಗುತ್ತಾನೆ.

ಮರು ದಿನ ಸೂರ್ಯೋದಯದ ಸಮಯದಲ್ಲಿ ಗಂಡು ಕರುವಿನೊಡನೆ ಗೋವನ್ನುಬ್ರಾಹ್ಮಣನಿಗೆ ದಾನ ಮಾಡಿ ಸ್ವರ್ಗವನ್ನು ಹೊಂದಬೇಕು ಎಂದು ಬೀಷ್ಮರು ಗೋ ದಾನ ಮಾಡುವ ವಿಧಾನದ ಬಗ್ಗೆ ಧರ್ಮರಾಜನಿಗೆ ವಿವರಿಸಿದರು.


- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ (9886465925)

ನಾರದರಿಂದ ಧ(ರ್ಮ) ಉಪದೇಶ , ಮಹಾಭಾರತ ಸಾರ

ಯುಧಿಷ್ಠಿರನಲ್ಲಿ ದೇವರ ಬಗ್ಗೆ ಸಂಶಯ ವ್ಯಕ್ತವಾಯಿತು. ಆಗ ತಕ್ಷಣ ನಾರದರು ಅಲ್ಲಿಗೆ  ಆಗಮಿಸಿದ್ದಾರೆ. ರಾಜಸೂಯ ಯಾಗದಲ್ಲಿ ಕೃಷ್ಣನಿಗೆ ಅಗ್ರಪೂಜೆ ಎಂದು ಭೀಷ್ಮಾಚಾರ್ಯರು ನಿರ್ಣಯಿಸಿದ್ದರು. ಶ್ರೀ ಕೃಷ್ಣನಿಗೆ ಅಗ್ರಪೂಜೆ ನಡೆಯುತ್ತಿತ್ತು. ಶಿಶುಪಾಲ ಕೃಷ್ಣನನ್ನು ನಿಂದಿಸಹತ್ತಿದ. ನೂರು ಬೈಗುಳವರೆಗೂ ಸಹಿಸಿಕೊಳ್ಳುವೆ ಎಂದು ಕೃಷ್ಣ ಶಿಶುಪಾಲನ ತಾಯಿಗೆ ವಚನ ಕೊಟ್ಟಿದ್ದ. ನೂರು ಬೈಗುಳ ಮುಗಿದವು. ತಕ್ಷಣ ಸುದರ್ಶನ ಚಕ್ರದಿಂದ ಶಿಶುಪಾಲನನ್ನು ಕೃಷ್ಣ  ಸಂಹರಿಸಿದ. ಆಗ ಶಿಶುಪಾಲನ  ಹೃದಯದಿಂದ ದೀಪವು  ಕೃಷ್ಣನಲ್ಲಿ ಲೀನ ವಾಯಿತು.ಅಷ್ಟು ಕೆಟ್ಟದಾಗಿ ನಿಂದಿಸಿದರೂ ಶಿಶುಪಾಲನಿಗೆ ಕೃಷ್ಣ ಸದ್ಗತಿ ಯಾಕೆ ನೀಡಿದ ಎಂಬ ಸಂಶಯವನ್ನು ಧರ್ಮರಾಜ ನಾರದರಲ್ಲಿ ಕೇಳುತ್ತಾರೆ.


ಆಗ ನಾರದರು ಉತ್ತರಿಸುವರು, ನೀನು ಶಿಶುಪಾಲನ ಕೇವಲ ನಿಂದನೆ ಮಾತ್ರ ಕೇಳಿರುವಿ. ಅನಾದಿಕಾಲದಿಂದಲೂ ಭಗವಂತನ ಸೇವೆ ಮಾಡಿದ್ದಾನೆ. ನಾರಾಯಣನ ದ್ವಾರಪಾಲಕನಾಗಿದ್ದ ಜಯ ಬ್ರಹ್ಮದೇವರ ಮಾನಸ ಪುತ್ರರಾದ ಸನಕಾದಿಗಳನ್ನು ಒಳಗಡೆ ಬಿಡದಕ್ಕೆ ಶಾಪಕ್ಕೆ ಗುರಿಯಾಗಿ ಅಸುರನಾಗಿ ಜನಿಸಿದ್ದಾನೆ. ತಪ್ಪು ಮಾಡಿದ್ದಕ್ಕಿಂತ ಭಗವಂತನ ಸೇವೆ ಹೆಚ್ಚು ಮಾಡಿದ್ದಾನೆ. ಭಗವಂತ ತಾರತಮ್ಯ ಮಾಡುವುದಿಲ್ಲ. ಎಲ್ಲವನ್ನೂ ತುಲನೆ ಮಾಡಿಯೇ ಶಿಶುಪಾಲನಿಗೆ ಸದ್ಗತಿ ನೀಡಿದ್ದಾನೆ. ಶಿಶುಪಾಲನಲ್ಲಿನ ದೈತ್ಯನಿಗೆ ದುರ್ಗತಿಯೇ ನೀಡಿದ್ದಾನೆ ಎಂದು ನಾರದರು ಯುಧಿಷ್ಠಿರನಲ್ಲಿದ್ದ ಸಂಶಯಕ್ಕೆ ಪರಿಹಾರ ನೀಡಿದರು.


ನಾರದರಿಂದ ಧ(ರ್ಮ) ಉಪದೇಶ   , ಮಹಾಭಾರತ ಸಾರ
ಧಾರ್ಮಿಕವಾಗಿರುವುದು ಬೇರೆ, ಧರ್ಮದ ಮೇಲಿನ ವಿಶ್ವಾಸ ಬೇರೆ. ನಮ್ಮ ಪೂರ್ವಜರು ಧರ್ಮ ಆಚರಿಸುತ್ತಿದ್ದಾರೆ ಎಂದು ಆಚರಿಸುವುದು ಬೇರೆ. ಧರ್ಮದ ಮರ್ಮವ ತಿಳಿದು ಆಚರಿಸುವುದು ಬೇರೆ. ಕೇವಲ ಧಾರ್ಮಿಕನಾಗಿದ್ದರೆ ಸಾಲದು. ಧರ್ಮದ ಬಗ್ಗೆ ಚನ್ನಾಗಿ ತಿಳಿದು ಆಚರಿಸಿದಾಗ ಫಲ ಸಿಗುತ್ತದೆ. ಅಭಿಷೇಕ ಮಾಡುವುದೇ ಪೂಜೆಯಲ್ಲ. ಭಗವಂತನ ಅಸ್ತಿತ್ವದ ಬಗ್ಗೆ ಜನರಲ್ಲಿ ತಿಳಿವಳಿಕೆ ನೀಡುವದೇ ನಿಜವಾದ ಪೂಜೆ.


ಭಗವಂತನ ಆಜ್ಞೆ ಪರಿಪಾಲಿಸುವದೇ ಧರ್ಮ. ಧರ್ಮ ಆಚರಿಸಿದ ವ್ಯಕ್ತಿ ಜೀವನದಲ್ಲಿ ದುಃಖ ಪಡುತ್ತಾರೆ, ಧರ್ಮವೇ ತಿಳಿಯದವರು ಸುಖವಾಗಿದ್ದಾರೆ ಎಂದು ಭಾವಿಸಬಾರದು. ಪೂರ್ವಜನ್ಮದಜಲ್ಲಿ ಸಂಪಾದಿಸಿದ ಪುಣ್ಯದ ಪ್ರತಿಫಲವಾಗಿ. ಈ ಜನ್ಮದಲ್ಲಿ ಅಧರ್ಮಿಯಾಗಿದ್ದರೂ ಸುಖ ಪಡುವರು. ಹಿಂದಿ‌ನ ಜನ್ಮದಲ್ಲಿ ಮಾಡಿದ ಪಾಪದ ಫಲವಾಗಿ   ಈ ಜನ್ಮದಲ್ಲಿ ಧಾರ್ಮಿಕನಾಗಿದ್ದರೂ ಕಷ್ಟ ಅನುಭವಿಸುವರು.  ಅದನ್ನು ಅರಿತು ಈ ಜನ್ಮದಲ್ಲಾದರೂ ನಾವು ಪುಣ್ಯ ಸಂಪಾದಿಸಿಕೊಳ್ಳಬೇಕು. ಸಂಸಾರದಲ್ಲಿ ತಪ್ತರಾದ  ನಾವು ಭಗವಂತನ ಸ್ಮರಣೆ ಮಾಡದೆ ದುಃಖದಲ್ಲಿ ಮುಳಗುತ್ತಿದ್ದೇವೆ. ಎಲ್ಲರೂ ಸನ್ಯಾಸಿಗಳಾಗಿಯೇ ಸಾಧನೆ ಮಾಡಬೇಕೆಂದೆನಿಲ್ಲ. ಸಂಸಾರದ ಜತೆಯಲ್ಲೆ ಸಾಧನೆ ಮಾಡುವ ಮೂಲಕ ಮೋಕ್ಷದ ಮಾರ್ಗ ಕಂಡುಕೊಳ್ಳಬೇಕು.


ಮೊದಲು ನಾವು ಜ್ಞಾನ ಪಡೆಯಬೇಕು. ಪಡೆದ ಜ್ಞಾನ ನಾಲ್ಕು ಜನರಲ್ಲಿ ಹಂಚಿಕೊಳ್ಳಬೇಕು. ಲೌಖಿಕ ಸಂಪತ್ತು ಬಳಸಿದಷ್ಟು ಖರ್ಚಾಗುತ್ತದೆ. ಆದರೆ ಜ್ಞಾನ ಸಂಪತ್ತು ಖರ್ಚು ಮಾಡಿದಷ್ಟು  ವೃದ್ಧಿಸುತ್ತದೆ. ಗಳಿಸಿದ ಜ್ಞಾನ ವಿನಿಮಯ ಮಾಡಿಕೊಳ್ಳುವ ಮೂಲಕ ವೃದ್ಧಿಸಿಕೊಳ್ಳಬೇಕು.
ಎಂದು ನಾರದರು ಧರ್ಮ ರಾಜನಿಗೆ ಧರ್ಮೋಪದೇಶ ನೀಡಿದರು


- ಶಾಮಸುಂದರ ಕುಲಕರ್ಣಿ,  ಕಲ್ಬುರ್ಗಿ (9886465925)

ಸತ್ಯ ನಿಷ್ಠೆಯೇ ಶ್ರೇಷ್ಠ ಧರ್ಮ , ಮಹಾಭಾರತ ಸಾರ

ಶೂರರಲ್ಲಿನ‌ ಹಲವಾರು ವಿಧಗಳ ಬಗ್ಗೆ  ಭೀಷ್ಮರು ಉಪದೇಶ ಮುಂದುವರೆಸಿದ್ದಾರೆ. ಕೆಲವರು ಸರಳತೆ ಹಾಗೂ ನೇರ ನಡತೆಯಲ್ಲಿ ಶೂರರೆನಿಸಿರುತ್ತಾರೆ. ಕೆಲವರು ಮನೋನಿಗ್ರಹದಲ್ಲಿ ಶೂರರೆನಿಸಿಕೊಂಡಿರುತ್ತಾರೆ. ವೇದ ಅಧ್ಯಯನದಲ್ಲಿ ನಿಷ್ಣಾತರಾದವರು  ಅಧ್ಯಯನ ಶೂರರೆನಿಸಿಕೊಳ್ಳುತ್ತಾರೆ. ಇನ್ನು ಕೆಲವರು ವೇದಾಧ್ಯನ ಮಾಡಿಸುವುದರಲ್ಲಿ ಶೂರರಾಗಿರುತ್ತಾರೆ. ಗುರು ಶುಶ್ರುಷೆಯಲ್ಲಿ ಶೂರರಾಗಿರುತ್ತಾರೆ. ಮಾತಾ ಪಿತೃಗಳ ಸೇವೆಯೇ ಪರಮ ಧ್ಯೇಯವೆಂದು ಅರಿತು ನಿರಂತರ ತಂದೆ ತಾಯಿ ಸೇವೆ ಮಾಡುವವರು ಮಾತಾ ಪಿತೃ ಶುಶ್ರೂಷಾ ಶೂರರಾಗಿರುತ್ತಾರೆ.


ಭಿಕ್ಷಾಟನೆಯಿಂದಲೇ ಜೀವನ ನಡೆಸಲು ನಿಶ್ಚಯಿಸಿ ಜೀವನ ಪರ್ಯಂತರವಾಗಿ ಭಿಕ್ಷಾಟನೆ ಮಾಡುವರು ಭೈಕ್ಷಶೂರರೆನಿಸಿಕೊಳ್ಳುತ್ತಾರೆ. ಹೀಗೆ ಆಯಾ ನಿಯಮಗಳನ್ನು ಪರಮ ಲಕ್ಷ್ಯವನ್ನಾಗಿಟ್ಟುಕೊಂಡು ಸದಾ ಆಚರಿಸುವ ಶೂರರು ಅನೇಕರಿದ್ದಾರೆ ಎಂದು ಭೀಷ್ಮರು ಹೇಳಿದರು.


ಸಾವಿರ ಅಶ್ವಮೇಧಗಳನ್ನು ಮಾಡಿದ ಪುಣ್ಯ ವನ್ನು ಮತ್ತು ಸತ್ಯನಿಷ್ಠೆಯಿಂದ ಪ್ರಾಪ್ತವಾಗುವ ಪುಣ್ಯಯನ್ನು ತಕ್ಕಡಿಯಲ್ಲಿಟ್ಟು ತೋಗಿದರೆ ಸತ್ಯ ನಿಷ್ಠೆಯಿಂದ ಪ್ರಾಪ್ತವಾಗುವ ಪುಣ್ಯವೇ  ಹೆಚ್ಚಾಗುತ್ತದೆ. ಸತ್ಯ ನಿಷ್ಠೆಯಿಂದ ಬಾಳುವ ಮೂಲಕ ಸಾವಿರ ಅಶ್ವಮೇಧ ಯಾಗ ಮಾಡಿದ ಪುಣ್ಯವನ್ನು ಪಡೆದುಕೊಳ್ಳಬೇಕು.

ಸತ್ಯ ನಿಷ್ಠೆಯೇ ಶ್ರೇಷ್ಠ ಧರ್ಮ  , ಮಹಾಭಾರತ ಸಾರ
ಸತ್ಯದ ಪ್ರಭಾವದಿಂದಲೇ ಸೂರ್ಯನು ಶಾಖವನ್ನುಂಟುಮಾಡುವನು.ಸತ್ಯ ನಿಷ್ಟೆಯಿಂದಲೇ ಅಗ್ನಿಯು ಪ್ರಜ್ವಲಿಸುವನು, ವಾಯುವು ಗಾಳಿಯನ್ನು ಬೀಸುವನು ಎಲ್ಲ ಶಕ್ತಿಯೂ ಸತ್ಯದಲ್ಲಿಯೇ ಪ್ರತಿಷ್ಠಾಪಿತವಾಗಿದೆ.


ಸತ್ಯನಿಷ್ಠೆಯಿಂದಲೇ ದೇವ, ಪಿತೃ, ಬ್ರಾಹ್ಮಣರು ಪ್ರಸನ್ನರಾಗುತ್ತಾರೆ.
ಸತ್ಯನಿಷ್ಠೆ ಶ್ರೇಷ್ಠವಾದ ಧರ್ಮ. ಯಾರೂ ಸತ್ಯವನ್ನು ಉಲ್ಲಂಘಿಸಬಾರದು ಎಂದು ಮಹಾಭಾರತ ನಿರೂಪಿಸಿದೆ‌. ಅಂಥ ಸತ್ಯದಿಂದ ಲಭಿಸುವ ಪ್ರಾಪ್ತಿಗೆ ದಮವೇ ಮೂಲ ಕಾರಣವಾಗಿದೆ ಎಂದು ಭೀಷ್ಮರು ಉಪದೇಶ ನೀಡಿದರು. ಬ್ರಹ್ಮಚರ್ಯದ ಬಗ್ಗೆ‌ ತಿಳಿದುಕೊಳ್ಖುವ ಬಯಕೆಯಾಗಿದೆ ಎಂದು ಧರ್ಮರಾಜನು ಕೇಳುತ್ತಾನೆ. ಯುಧಿಷ್ಠಿರನ ಪ್ರಶ್ನೆಗೆ ಭೀಷ್ಮಾಚಾರ್ಯರು ಕೊಟ್ಟ ಉತ್ತರವನ್ನು ನಾಳೆ ತಿಳಿಯೋಣ.


- ಶಾಮಸುಂದರ ಕುಲಕರ್ಣಿ, ಕಲಬುರಗಿ (9886465925)

ಕಾಡು ಸೇರಿದ ನಳ ದಮಯಂತಿ , ಮಹಾಭಾರತ ಸಾರ

 ಒಂದು ದಿನ ರಾತ್ರಿ ನಳ ಮೂತ್ರ ವಿಸರ್ಜಿಸಿ ಕೈ ಕಾಲು ತೊಳೆಯದೇ ಹಾಗೆ ಮಲಗಿದ. ನಳನಲ್ಲಿ‌ ದೋಷಕ್ಕಾಗಿ ಬಹುದಿನದಿಂದ ಕಾಯುತ್ತಿದ್ದ ಕಲಿ ನಳನ ದೇಹದಲ್ಲಿ ಪ್ರವೇಶಿಸುತ್ತಾನೆ. ಅಲ್ಲಿಂದಲೇ ಶುರುವಾಯಿತು ಕಲಿ ಪ್ರಭಾವ.
ಒಂದು ದಿನ ನಳನ ಸಹೋದರ ಪುಷ್ಕರ ಅಣ್ಣನನ್ನು ಜೂಜಾಟಕ್ಕೆ ಕರೆದಿದ್ದಾನೆ. ಕಲಿ ಪ್ರಭಾವದಿಂದ ನಳ ಜೂಜಾಟಕ್ಕೆ ಸಿದ್ದ ನಾದ. ಪುಷ್ಕರನಲ್ಲಿ ದ್ವಾಪರ ಪ್ರವೇಶಿಸಿದ್ದರಿಂದ ಮೋಸದಿಂದ ಎಲ್ಲವನ್ನು ಗೆಲ್ಲುತ್ತಿದ್ದಾನೆ. ದಮಯಂತಿ ನಳನಿಗೆ ಎಚ್ಚರಿಕೆ ಕೊಟ್ಟಿದ್ದಾಳೆ. ಆದರೂ ನಳ ಜೂಜಾಟ ಮುಂದು ವರಿಸಿದ. ದಮಯಂತಿಯಲ್ಲಿ ಕರ್ತವ್ಯ ಪ್ರಜ್ಞೆ ಮೂಡಿದೆ. ಸಾರಥಿಯನ್ನು ಕರೆದು ಮಕ್ಕಳಿಬ್ಬರನ್ನೂ ತವರು ಮನೆಗೆ ಕಳಿಸಿದ್ದಾಳೆ. ಇತ್ತ ನಳ ಎಲ್ಲವನ್ನೂ ಸೋತಿದ್ದಾನೆ. ದಮಯಂತಿಯನ್ನು ಪಣಕ್ಕಿಡು ಎಂದು ತಮ್ಮ ಕೇಳಿದಾಗ ಮೊದಲು ಗಳಿಸಿದ ಪುಣ್ಯದ ಫಲವಾಗಿ ನಳ ನಿರಾಕರಿಸಿ ರಾಜವನ್ನೇ ತೊರೆದು ಹೆಂಡತಿ ಜತೆ ಕಾಡಿಗೆ ಹೊರಟ. ಮೂರು ದಿನವಾದರೂ ಕಾಡಿನಲ್ಲಿ ಆಹಾರ ಸಿಗಲಿಲ್ಲ. ಅಲ್ಲೊಂದು ಬಂಗಾರದ ಪಕ್ಷಿ ಕಂಡಿತು. ಅದನ್ನು ಹಿಡಿದು ಉಪಜೀವನ ಸಾಗಿಸಬೇಕು ಎಂದು ಮೈ ಮೇಲೆ ಇರುವ ಬಟ್ಟೆಯನ್ನು ಪಕ್ಷಿ ಮೇಲೆ ಹಾಕಿದ್ದಾನೆ. ಬಟ್ಟೆ ಸಮೇತ ಪಕ್ಷಿ ಹಾರಿಹೋಯಿತು. ಬಟ್ಟೆ ಇಲ್ಲದೆ ಹಾಗೆ ಕಾಡಿನಲ್ಲಿ ಅಲೆಯುತ್ತಿದ್ದಾನೆ. ದಮಯಂತಿಗೆ ಹೇಳಿದ ಇದು ವಿದರ್ಭ ದೇಶಕ್ಕೆ ಹೋಗುವ ಮಾರ್ಗ ಎಂದು. ಆಗ ದಮಯಂತಿ ಹೇಳಿದಳು ನಾನು ನಿನ್ನ ಬಿಟ್ಟು ತವರು ಮನೆಗೆ ಹೋಗುವುದಿಲ್ಲ ಎಂದಳು.
ಕಾಡಿನಲ್ಲಿ ಒಂದು ಭವನ ಕಂಡಿತು. ಅಲ್ಲಿ ಮಲಗಿದ್ದಾರೆ. ಗಂಡ ಮಲಗುವ ವರೆಗೂ ಮಲಗದ ದಮಯಂತಿ ಅಂದು ಬೇಗ ಮಲಗಿದ್ದಾಳೆ. ರಾತ್ರಿ ಎದ್ದು ನಳ ಅವಳನ್ನು ಬಿಟ್ಟು ಹೋಗಲು ನಿರ್ಧರಿಸಿದ. ಅವಳು ತವರು ಮನೆಗೆ ಹೋಗಿ ಸುಖವಾಗಿರಲಿ ಎಂದು ನಳ ಅವಳನ್ನು ಬಿಟ್ಟು ಹೋಗಲು ನಿರ್ಧರಿಸಿದ.ದಮಯಂತಿ ಮಲಗಿದ್ದಾಳೆ. ನಳನಿಗೆ ರಾತ್ರಿ‌ಎಚ್ಚರವಾಯಿತು. ದಮಯಂತಿಯನ್ನು ಬಿಟ್ಟು ನಳ ಹೊರಟುಹೋದ.

ಕಾಡು ಸೇರಿದ ನಳ ದಮಯಂತಿ  , ಮಹಾಭಾರತ ಸಾರ


ಸ್ವಲ್ಪ‌ಸಮಯದ ನಂತರ ದಮಯಂತಿಗೆ  ಎಚ್ಚರ ವಾಯಿತು.ಗಂಡ ಇಲ್ಲದ್ದನ್ನು ಕಂಡು ಗಾಬರಿಯಾಗಿದ್ದಾಳೆ. ಗಂಡನನ್ನು ಹುಡಕುತ್ತಿದ್ದಾಳೆ. ಕಾಡಿನಲ್ಲಿ  ಅಜಗರ (ಹೆಬ್ಬಾವು) ಬಾಯಿಗೆ ಸಿಕ್ಕಿದ್ದಾಳೆ. ಈಗಲಾದರೂ ರಕ್ಷಣೆಗೆ ಬಾ ಎಂದು ನಳನನ್ನು ಕರೆದಿದ್ದಾಳೆ. ಒಬ್ಬ ವ್ಯಕ್ತಿ ಬಂದು ರಕ್ಷಿಸಿದ್ದಾನೆ. ಅವಳ ಸೌಂದರ್ಯಕ್ಕೆ ಮಾರು ಹೋಗಿ ತಪ್ಪು ಮಾಡಲು ಮುಂದಾದ. ಬುದ್ದಿ ಮಾತು ಹೇಳಿದರೂ ಕೇಳಲಿಲ್ಲ. ಪಾತಿವ್ರತೆಯ ಶಕ್ತಿಯಿಂದ ಅವನಿಂದ ಪಾರಾಗಿದ್ದಾಳೆ.
 ರಾಜನಾಗಿದ್ದಾಗ ಗಂಡ ಸುಖಕೊಟ್ಟಿದ್ದು ಸತ್ಯವಾದರೆ, ಈಗ ಕಷ್ಟವೂ ಸತ್ಯ ಎಂದು ನಿರ್ಧರಿಸಿದ್ದ ದಮಯಂತಿ ಯ ಔದಾರ್ಯ ಇಂದಿನ ಯುವತಿಯರಿಗೆ ಆದರ್ಶಪ್ರಾಯವಾಗಿದೆ.
ಎಷ್ಟೆಲ್ಲ ಧರ್ಮ ಆಚ ರಿಸಿದರೂ ಸಣ್ಣ ದೋಷ ಮಾಡಿದರೂ ಕಷ್ಟ ಅನುಭವಿಸಬೇಕಾಗುತ್ತದೆ.  ಯಾವ ಸಮಯದಲ್ಲಿ ಕಷ್ಟ ಬರುತ್ತದೆಯೋ ಗೊತ್ತಾಗಲ್ಲ. ಕಷ್ಟ ಎದುರಿಸುವ ಶಕ್ತಿ ಹೊಂದಬೇಕು ಎಂದು ಮಹಾ ಭಾರತ ಸಂದೇಶ ನೀಡಿದೆ.
 ಕೇಳಿದಷ್ಟು ಹಣ, ಬಯಸಿದ ವಾಹನ ಎಲ್ಲವೂ ಕೊಡಿಸಿದರೂ ಸಣ್ಣ ವಸ್ತು ಕೊಡಿಸಿಲ್ಲ ಎಂದು ಗಂಡನ ಮನೆ ತೊರೆಯುವ ಇಂದಿನ ಮಹಿಳೆಯರಿಗೆ ದಮಯಂತಿ  ಆದರ್ಶವಾಗಿದ್ದಾಳೆ. ಮಹಿಳೆಯರಿಗೆ ಪಾತಿವತ್ರೆಯ ಶಕ್ತಿ ರಕ್ಷಣೆ ನೀಡುತ್ತದೆ ಎಂಬುದನ್ನು ದಮಯಂತಿ ಕಥೆಯಿಂದ ತಿಳಿಯಬಹುದಾಗಿದೆ.


- ಶಾಮಸುಂದರ ಕುಲಕರ್ಣಿ, ಕಲಬುರಗಿ (9886465925)

ಧರ್ಮಕ್ಕಿದೆ ಕಲಿ ನಿಗ್ರಹಿಸುವ ಶಕ್ತಿ , ಮಹಾಭಾರತ ಸಾರ

 ದಮಯಂತಿ ಸ್ವಯಂವರ  ಮುಗಿಸಿಕೊಂಡು ಇಂದ್ರಾದಿ ದೇವತೆಗಳು ಹೊರಟಿರುತ್ತಾರೆ. ಎದುರಿಗೆ ಕಲಿಯು ದ್ವಾಪರನೊಂದಿಗೆ ಭೇಟಿಯಾದ. ಎಲ್ಲಿಗೆ ಹೊರಟಿರುವಿ ಎಂದು ಇಂದ್ರನು ಕೇಳುತ್ತಾನೆ. ನಾನು ಬಯಸಿದ ದಮಯಂತಿಯ ಸ್ವಯಂ ವರ ಇದೆ. ಅಲ್ಲಿಗೆ ಹೊರಟಿರುವೆ ಎಂದು ಕಲಿ ಹೇಳುತ್ತಾನೆ. ಇಂದ್ರನು ನಕ್ಕ. ಸ್ವಯಂವರ ಮುಗಿದು ಹೋಗಿದೆ. ನೀನು ಅಲ್ಲಿಗೆ ಹೋಗಿ ಏನು ಮಾಡುವಿ ಎಂದು ಇಂದ್ರ ಕೇಳಿದ.
ಕಲಿಗೆ ಅಚ್ಚರಿ ಆಯಿತು. ನಾನು ಬಯಸಿದ  ದಮಯಂತಿಯನ್ನು ಪಡೆಯಲೇಬೇಕು. ನಳನಿಗೆ ಕಷ್ಟಕೊಟ್ಟು ನನ್ನ ಬಯಕೆ ಈಡೇರಿಸಿಕೊಳ್ಳುವೆ ಎಂದ ಕಲಿ.


ದ್ವಾಪರ ಸಂಶಯವನ್ನು‌ ಪ್ರಚೋದಿಸುವ ಅಸುರ. ಕಲಿ‌ಯು ಜನರನ್ನು ತಪ್ಪುದಾರಿಗೆ ತರುವ ದುಷ್ಟ. ಇಬ್ಬರು ಸೇರಿ ನಳನಲ್ಲಿ‌ ಪ್ರವೇಶಿಸಲು ಮುಂದಾಗಿದ್ದಾರೆ. ಆಗ ಇಂದ್ರನು ಹೇಳುತ್ತಾನೆ, ಧರ್ಮವಂತನಾದ ನಳನಲ್ಲಿ ಪ್ರವೇಶಿಸುವ ಶಕ್ತಿ ನಿನ್ನಲ್ಲಿಲ್ಲ. ನಳ ಮಹಾರಾಜ ನಿಷ್ಠೆಯಿಂದ  ಧರ್ಮ ಅನುಷ್ಠಾನ ಗೊಳಿಸಿದ್ದಾನೆ. ಸುಮ್ಮನೆ ವಾಪಸ್ ಹೋಗು ಎಂದು ಇಂದ್ರನು ಕಲಿಗೆ ಬುದ್ದಿವಾದ ಹೇಳಿದ.
ದುಷ್ಟನಾದ ಕಲಿಗೆ ಬುದ್ದಿಮಾತು ಬೇಕಿರಲಿಲ್ಲ. ಪಕ್ಕದಲ್ಲಿದ್ದ ದ್ವಾಪರನ ಸಹಾಯ ಬೇಡಿದ. ನಾನು ಕರೆದಾಗ ನೀನು ಬರಬೇಕು ಎಂದು ಕಲಿ‌ಯು ದ್ವಾಪರನಿಗೆ ಹೇಳಿದ. ಕಲಿ ಎಷ್ಟೇ ಪ್ರಯತ್ನಿಸಿದರೂ ನಳನಲ್ಲಿ ಪ್ರವೇಶಿಸಲು‌ ಸಾಧ್ಯವಾಗಲಿಲ್ಲ. ಕಲಿಯು ಮಹಾ ಪ್ರಯತ್ನಿಸಿದರೂ ನಳನಯಲ್ಲಿ ದೋಷ ಸಿಗಲಿಲ್ಲ.
ಕಲಿಯನ್ನು ನಿಗ್ರಹಿಸಲು ಧರ್ಮಾಚರಣೆ ಬ್ರಹ್ಮಾಸ್ತ್ರವಾಗಿದೆ ಎಂಬ ದಿವ್ಯ ಸಂದೇಶ ನಳ ಮಹಾರಾಜ ನೀಡಿದ್ದಾನೆ.

ಧರ್ಮಕ್ಕಿದೆ ಕಲಿ ನಿಗ್ರಹಿಸುವ ಶಕ್ತಿ , ಮಹಾಭಾರತ ಸಾರ


ಎಲ್ಲಿ ಧರ್ಮ ಆಚರಿಸುವುದಿಲ್ಲವೋ ಅಲ್ಲಿ ಕಲಿಯವಾಸ. ಇಂದು ನಾವು ಧರ್ಮಾಚರಣೆ ಮರೆತು ಕಲಿಯನ್ನು ಸ್ವಾಗತಿಸುತ್ತಿದ್ದೇವೆ. ಕೇವಲ ಕಲಿಯನ್ನು ಮಾತ್ರವಲ್ಲ ಕಲಿಯ ಜತೆ ದ್ವಾಪರನನ್ನು ಬರಮಾಡಿಕೊಳ್ಳುತ್ತಿದ್ದೇವೆ. ದ್ವಾಪರ ಸಂಶಯ ಹುಟ್ಟಿಸುತ್ತಿದ್ದಾನೆ. ಕಲಿ ತಪ್ಪು ಮಾರ್ಗ ಅನುಸರಿಸಲು ಪ್ರೇರೆಪಿಸುತ್ತಿದ್ದಾನೆ. ಇವರಿಬ್ಬರನ್ನೂ ದೂರ ಇಡಬೇಕಾದರೆ ಧರ್ಮ ಆಚರಿಸುವುದು ಅಗತ್ಯವಾಗಿದೆ. ನಳನಲ್ಲಿನ ಧರ್ಮ ನಿಷ್ಠೆ ಇಂದು ನಾವೆಲ್ಲರೂ ಅನುಸರಿಸಬೇಕಿದೆ. ಮಹಾ ಶಕ್ತಿವಂತ ಕಲಿಗೆ ದಮಯಂತಿಯ ಸ್ವಯಂವರ ನಡೆದಿದ್ದೇ ಗೊತ್ತಾಗದಂತೆ ಧರ್ಮ ಮಾಡಿತು. ಅಂದರೆ ಧರ್ಮದಲ್ಲಿ ಎಂಥ ಶಕ್ತಿ ಇದೆ ಎಂದು ಯೋಚಿಸಬೇಕು.ನಾವೆಲ್ಲರೂ ಧರ್ಮ ವನ್ನು ಆಚರಿಸುವ ಮೂಲಕ  ಕಲಿಗೆ ನಮ್ಮ ಜೀವನದಲ್ಲಿ ಪ್ರವೇಶ ನೀಡದಂತೆ ನೋಡಿಕೊಳ್ಳಬೇಕು.

 - ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ ( 9886465925 )

ಕುರುವಂಶದ ಕತೆ , ಮಹಾಭಾರತ ಸಾರ

ಗಾಂಧಾರಿಯು ತನ್ನ ಗರ್ಭವನ್ನು ತಾನೆ ಜಜ್ಜಿಕೊಂಡಿದ್ದಾಳೆ ಎಂಬ ವಾರ್ತೆ ಕೇಳಿದ ಕೇಶವನ ಅವತಾರಿಯಾದ  ವ್ಯಾಸರು ಅಲ್ಲಿಗೆ ಬಂದಿದ್ದಾರೆ. ಆ ಗರ್ಭವನ್ನು‌ಅನೇಕ ಚೂರುಗಳನ್ನು ಮಾಡಿ ಒಂದು  ಗಡಿಗೆ (ಘಟ)ದಲ್ಲಿ ತುಂಬಿದರು. ನೂರಾ ಒಂದು ಚೂರು ಮಾಡಿದ್ದಾರೆ. ಆ ನೂರು ಭಾಗಗಳಿಂದ (ದುರ್ಯೋಧನ) ನೇ ಮೊದಲಾದ  ನೂರು ಜನ‌ ಅಣ್ಣತಮ್ಮಂದಿರು ಹುಟ್ಟಿಕೊಂಡರು. ನಂತರ ನೂರಾ ಒಂದನೇ ಭಾಗದಿಂದ ದುಶ್ಯಲೆ‌ ಎಂಬ ಕನ್ಯ ಹುಟ್ಟಿಕೊಂಡಳು.
ಧೃತರಾಷ್ಟ್ರನ ಹಿರಿಯ ಪುತ್ರನನ್ನು ಎಲ್ಲರೂ ದುಯೋರ್ಧದನ ಎಂದು ಕರೆದರೆ ಧರ್ಮರಾಜ ಮಾತ್ರ ಸುಯೋಧನ ಎಂದು ಕರೆಯುತ್ತಿದ್ದನು. ಇದರಿಂದ‌ ಧರ್ಮನ ಸಂಸ್ಕೃತಿ ವ್ಯಕ್ತವಾಗುತ್ತದೆ.
ಪರಮಾತ್ಮನ ಕಾರ್ಯವನ್ನು  ಸಿದ್ಧಿಸುವುದಕ್ಕಾಗಿ ಪ್ರಭುವಾದ ಪರಾಶರಾತ್ಮಜ ವ್ಯಾಸರು ವಿಚಿತ್ರ ವೀರ್ಯ ವಂಶದ ಆ ಗರ್ಭವನ್ನು ರಕ್ಷಿಸಿದರು. ಇದುವೆ ಭಗವಂತ ಕೃಷ್ಣಾವತಾರದ  ಪೀಠಿಕೆ.
ಕಲಿಯೇ ದುರ್ಯೋಧನನಾಗಿ ಜನಿಸಿದ್ದಾನೆ. ಅವನು ಮಹಾ ಪರಾಕ್ರಮಿಯೂ ಹೌದು ಮತ್ತು ಆತನಲ್ಲಿ ಪ್ರಧಾನವಾಯುವಿನ ಸನ್ನಿಧಾನವಿರುವುದರಿಂದ ಅಧಿಕ ಬಲಶಾಲಿಯು ಆಗಿದ್ದಾನೆ.
ದುರ್ಯೋಧನ ಬಲಶಾಲಿಯಾಗಿರಲು ಇನ್ನೊಂದು ಕಾರಣವಿದೆ.
ಭೂಲೋಕದಲ್ಲಿ  ಹುಟ್ಟಬೇಕಾದರೆ ಮೇರುಪರ್ವತದ ಮೇಲ್ಬಾಗದಲ್ಲಿ ಜನಿಸಬೇಕು ಎಂಬ ಈ ಮಾತನ್ನು‌ ಸ್ವರ್ಗದಲ್ಲಿರುವ  ದೇವತೆಗಳಿಂದ ದೈತ್ಯರು ಮೊದಲೇ ಕೇಳಿದವರಾಗಿದ್ದರು.
ಹೀಗಾಗಿ ಕಲಿ ಮೊದಲಾದ ದೈತ್ಯರು ಮೇರು ಪರ್ವತಕ್ಕೆ  ಬಂದು ಮುಕ್ಕಣ್ಣನಾದ ರುದ್ರದೇವರನ್ನು ಕುರಿತು‌ ತಪಸ್ಸು ಮಾಡಿ,  ವ್ರತ ಕೈಗೊಂಡರು. ಆಗ  ಯಾರಿಂದಲೂ ಸಾಯದಿರಲಿ ಎಂದು ಕಲಿ ವರವನ್ನು ಪಡೆದನು. ಮೇರು ಪರ್ವತದ ಮೇಲ್ಬಾಗವು ಇಂದಿಗೂ  ದೇವತೆಗಳ ಬೀಡು ಎನಿಸಿಕೊಂಡಿದೆ.
ಕಲಿಯು ದೈತ್ಯರ ಮುಂದಾಳು  ಹಿಗಾಗಿ ಎಲ್ಲರೂ ತಮ್ಮ ಮುಂದಾಳುವಿನ ಯಶಸ್ಸಿಗಾಗಿ ಪ್ರಾರ್ಥಿಸಿಕೊಂಡರು.
ದ

ದಕುರುವಂಶದ ಕತೆ , ಮಹಾಭಾರತ ಸಾರ
ೇವ ಕಂಠಕನಾದ ಕಲಿಯು ಉಮಾಪತಿಯ ವರದ ಪ್ರಯುಕ್ತ  ಮಹಾ ಬಲಶಾಲಿಯಾಗಿ ವಜ್ರಕಾಯಕ್ಕೆ‌ ಸಮಾನವಾದ  ಗಟ್ಟಿದೇಹವನ್ನು ಪಡೆದನು. ಎಲ್ಲರಿಂದ ಅವಧ್ಯನಾದ ಆ ಸುಯೋಧನನು ಘೃತಘಟದಿಂದ  ಹೊರ ಬಂದ ನಂತರ  ಮತ್ತೊಂದು ತುಪ್ಪದ ಕೊಡದಿಂದ  ಅಂದಿನ ಇಂದ್ರಜೀತುವೇ ಮತ್ತೆ ದುಶ್ಯಾಸನ ನಾಗಿ ಹೊರಗೆ ಬಂದಿದ್ದಾನೆ.
ಇಂದ್ರಜೀತು ದುಃಖದ ಶಾಸನಕ್ಕೆ ಕಾರಣನಾದನು. ನಂತರ ಅತಿಯಾನು ವಿಕರ್ಣನಾಗಿ ಹುಟ್ಟಿದನು. ನಂತರ ಖರಾಸುರನ ಜನ್ಮವಾಯಿತು. ಅವನು ಮಹಾ ಬಲಶಾಲಿಯಾದನು. ಅಂದಿನ ಖರಾಸುರನೇ ಇಂದು ಚಿತ್ರಸೇನ ನಾಗಿ ಹೊರಬಂದನು. ಅನಂತರ ಅನೇಕ ರಾಕ್ಷಸರು ಮಹಾ ಪರಾಕ್ರಮಿಗಳಾಗಿ ಧೃತರಾಷ್ಟ್ರನ ಮಕ್ಕಳಾಗಿ ಹೊರ ಬಂದರು.
ಸಕಲ ದೋಷಗಳೆ  ಶರೀರಗಳನ್ನು ಧರಿಸಿ ಆ ಮಕ್ಕಳ ರೂಪದಲ್ಲಿ ಹೊರಬಂದರು. ಸುಳ್ಳಿನ ಹೆಸರೆ ಆ ದುಶ್ಯಲಳಾಗಿದ್ದಳು. ಕಳಾಹೀನ ಚಂದ್ರನಂತೆ ಕಾಣುತ್ತಿದ್ದಳು. ಅರ್ಜುನ ಮಗನನ್ನು ಕೊಲ್ಲುವುದಕ್ಕಾಗಿ ಅವಳು ತ್ರಿಶೂಲಿ ಕುರಿತು ತಪಸ್ಸು ಮಾಡುತ್ತಿದ್ದಳು. ಅವಳೆ ಇಲ್ಲಿ ಹುಟ್ಟಿಬಂದಿದ್ದಾಳೆ.
ಅರ್ಜುನನ ಮಗನನ್ನು ಕೊಂದವನು ಸೈಂಧವನಲ್ಲವೇ?. ಅದಕ್ಕೂದುಶ್ಯಲೆಗೂ ಏನು ಸಂಬಂಧ ಎಂಬ ಪ್ರಶ್ನೆಗೆ ಉತ್ತರ ನಾಳೆ ತಿಳಿದುಕೊಳ್ಳೋಣ.

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ ( 9886465925 )

ದೇವತೆಗಳನ್ನು ಆಹ್ವಾನಿಸಿದ ಕುಂತಿ , ಮಹಾಭಾರತ ಸಾರ

ಕುಂತಿಯ ಮಾತನ್ನುಕೇಳಿದ ಪಾಂಡುರಾಜ ಧರ್ಮವನ್ನು ಚನ್ನಾಗಿ ತಿಳಿಯದಿದ್ದರೆ ರಾಜನಾದವನು  ಭೂಮಿಯನ್ನು ರಕ್ಷಿಸಲಾರನು. ಅದಕ್ಕಾಗಿ  ಧರ್ಮಪರಾಯಣನಾದ ವಿಭು ನನ್ನು ಕರೆ ಎಂದು ಪಾಂಡುರಾಜ ಹೇಳಿದ.
ಧರ್ಮರಾಜನಾದರೆ ಧಾರ್ಮಿಕನಾಗುತ್ತಾನೆ.ಅವನೆ ಉತ್ತಮ ಮಗನೆಂದು ತಿಳಿದು ಕುಂತಿಯು  ಯಮಧರ್ಮ ನನ್ನು ಭಕ್ತಿಯಿಂದ  ಪ್ರಾರ್ಥಿಸಿದ್ದಾಳೆ. ಕೂಡಲೇ ಯಮನು ಪ್ರತ್ಯಕ್ಷನಾದನು.
ಯಮನೆ ಕುಂತಿಗೆ ಉತ್ತಮ ಮಗನಾಗಿ ಜನಿಸಿದ್ದಾನೆ. ಅವನೆ ಯಧಿಷ್ಠಿರ (ಧರ್ಮರಾಜ).
ಉತ್ತಮ‌ ಪತಿಯ ಆಶ್ರಯವಿದ್ದರೂ ಅಧಮನನ್ನು ಆಶ್ರಯಿಸಿದರೆ  ಆ ಪಾಪಕ್ಕೆ ಪ್ರಾಯಶ್ಚಿತವೇ ಇಲ್ಲ.
ಇಲ್ಲಿ ಕುಂತಿ ತಪ್ಪು ಮಾಡಿದ್ದಾಳೆಯೇ ಎಂಬ ಪ್ರಶ್ನೆ ಉದ್ಭವಿಸುವುದು ಸಹಜ.
ಅದರೆ ಮಹಾ ಭಾರತ ಹೇಳುತ್ತದೆ ಕುಂತಿ ತಪ್ಪು ಮಾಡಿಲ್ಲ. ಅವಳು ಪತಿವ್ರತಾ ಸ್ತ್ರೀ ಎಂದು.
ದೇವತೆಗಳಿಂದ ಮಕ್ಕಳನ್ನು ಪಡೆಯಲು ಅನೇಕ ವಿಧಾನಗಳಿವೆ. ದೇವತೆಗಳು ದೃಷ್ಟಿಯಿಂದಲೇ ಮಕ್ಕಳನ್ನು ಕರುಣಿಸುತ್ತಿದ್ದರು. ದೇವರ ಆಶೀರ್ವಾದದಿಂದ ಕುಂತಿ ದೇವತೆಗಳಿಂದ ಮಕ್ಕಳನ್ನು ಪಡೆದಿದ್ದಾಳೆ ವಿನಃ ತಪ್ಪು ಮಾಡಿ ಪಡೆದಿಲ್ಲ. ಹೀಗಾಗಿ ಕುಂತಿ ತಪ್ಪು ಮಾಡಿಲ್ಲ ಎಂಬ ನಿರ್ಣಯ ಮಹಾಭಾರತದ್ದಾಗಿದೆ.
ಮಕ್ಕಳಾಗಿಲ್ಲ ಎಂದು ಇಂದಿಗೂ ಕೆಲವರು ಅನೇಕ ದೇವತೆಗಳಿಗೆ ಹರಕೆ ಹೊರುತ್ತಾರೆ. ಮಕ್ಕಳನ್ನು ಕರುಣಿಸು ದೇವರೆ ಎಂದು ಪ್ರಾರ್ಥಿಸುತ್ತಾರೆ.‌ಅಂದ ಮಾತ್ರಕ್ಕೆ ಅವರು ತಪ್ಪು ಮಾಡಿದ್ದರೆ ಎಂದು ಭವಿಸುವುದು ಉಚಿತವಲ್ಲ. ಕುಂತಿಯು ಕೂಡ ದೇವರ ಅನುಗ್ರಹದಿಂದ‌‌ಮಾತಗರ ಮಕ್ಕಳನ್ನು ಪಡೆದಿದ್ದಾಳೆ.

ದೇವತೆಗಳನ್ನು ಆಹ್ವಾನಿಸಿದ ಕುಂತಿ , ಮಹಾಭಾರತ ಸಾರ
ಹಿಂದೆ ಕೃತಯುಗದಲ್ಲಿ ದೇವತೆಗಳು ಕೆಲವೊಂದು ಕಾರಣದಿಂದ  ತಮಗಿಂತಲೂ ಅಧಮ ಸ್ತ್ರೀಯರನ್ನು ಕೂಡಿದ್ದುಂಟು. ಆದರೆ ದೇವತಾ ಸ್ತ್ರೀಯರು ಮಾತ್ರ ಯಾವ ಕಾರಣಕ್ಕೂ ಅಂಥ ತಪ್ಪು ಕಾರ್ಯ ಮಾಡಿಲ್ಲ. ಕುಂತಿ ಕೂಡ ತಪ್ಪುಮಾಡಿ ಮಕ್ಜಳನ್ನು ಪಡೆದಿಲ್ಲ.
ಯಮನೆ ಕುಂತಿಗೆ ಮಗನಾಗಿ ಜನಿಸಿದ್ದಾನೆ ಎಂಬ ವಾರ್ತೆ ಕೇಳಿ ಗಾಂಧಾರಿ ಹೊಟ್ಟೆಕಿಚ್ಚೆಂಬ ಬೆಂಕಿಯಿಂದ‌ ಬೆಂದವಳಾಗಿ ತನ್ನ ಗರ್ಭವನ್ನೇ ತಾನೆ ಜಚ್ಚಿಕೊಂಡಳು.
ತಾನು ಮೊದಲು ಗರ್ಭಿಣಿಯಾದರೂ ಕುಂತಿಗೆ ಮೊದಲು‌ ಮಗುವಾಯಿತಲ್ಲ ಎಂದು ನೋವಿನಿಂದ ಈ ಕೆಲಸ ಮಾಡಿದ್ದಾಳೆ.
ಎಲ್ಲ ಸ್ತ್ರೀಯರಲ್ಲಿ ಅಸೂಹೆ ಭಾವನೆ ಸಹವಾಗಿ ಇರುವಂಥದ್ದು. ಆದರೆ ಇಲ್ಲಿ
ಮೂಲತ ಗಾಂಧಾರಿ ಕೂಡ ಮಹಾಸಾದ್ವಿ ಸ್ತ್ರೀಯಾಗಿದ್ದಾಳೆ.

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ ( 9886465925 )

ಧರ್ಮ ಪಾಲನೆಯಿಂದ ಸದ್ಗತಿ, ಮಹಾಭಾರತ ಸಾರ

ಪಾಂಡುರಾಜನು ನಾರಾಯಣಾಶ್ರಮ ದಲ್ಲಿರುವಾಗ ಒಂದು ದಿನ ಮುನೀಂದ್ರ ಸಹಿತನಾಗಿ ಬ್ರಹ್ಮದೇವರನ್ನು ಕಾಣುವುದಕ್ಕಾಗಿ ಬ್ರಹ್ಮ ಲೋಕಕ್ಕೆ ತೆರಳಬೇಕೆಂದು ಇಚ್ಛಿಸಿದನು. ಆದರೆ ಮುನಿಗಳು ಆತನನ್ನು ತಡೆದರು.
ಯಾವ ಕಾರ್ಯ ಮಾಡಲು ಭಗವಂತನು ಹುಟ್ಟಿಸಿದ್ದಾನೋ ಆ ಕಾರ್ಯ ಮಾಡದಿದ್ದಲ್ಲಿ ಅವನಿಗೆ ಸದ್ಗತಿ ಆಗುವುದಿಲ್ಲ. ಅದಕ್ಕಾಗಿ ಮುನಿಗಳು ತಡೆದರು. ಪ್ರಧಾನ ದೇವತೆಗಳು ಪಾಂಡುರಾಜನ ಮಕ್ಕಳಾಗಿ ಹುಟ್ಟಬೇಕಿತ್ತು. ಇದು ಭಗವಂತನ ಸಂಕಲ್ಪ.ಅದರ ವಿನಃ ಪಾಂಡುರಾಜನಿಗೆ ಸದ್ಗತಿ ಆಗುವುದಿಲ್ಲ ಹೀಗಾಗಿ ಮುನಿಗಳು ಅವನನ್ನು ತಡೆದರು.
ಮಕ್ಕಳಿಲ್ಲದವರಿಗೆ ಸದ್ಗತಿ ಇಲ್ಲವೇ ಎಂಬ ಪ್ರಶ್ನೆ ಇಲ್ಲಿ ಉ್ದಭವಿಸುವುದು ಸಹಜ.
ಮಕ್ಕಳಿಲ್ಲದಿದ್ದರೂ ಮಾನವರು ಅನ್ಯ ಮಾರ್ಗಗಳಿಂದ  ಸದ್ಗತಿ ಪಡೆಯಬಹುದು. ಸಂಧ್ಯಾವಳಿಯ ಮಗನಾದ ಧರ್ಮಭೂಷಣ ಸದ್ಗತಿ ಪಡೆದ ಉದಾರಣೆ ಮಹಾಭಾರತ ನಿರೂಪಿಸುತ್ತದೆ.
ಸಂಧ್ಯಾವಳಿಯ ರಾಜನು  ರುಕ್ಮಾಂಗದನು. ಅವನು ಮಹಾ ಧರ್ಮಿಷ್ಠನು. ಏಕಾದಶಿ ವ್ರತದಲ್ಲಿ ಬಹಳ ನಿಷ್ಠೆಯುಳ್ಳವನು. ಅವನಂತೆ ಅವನ ಪತ್ನಿ, ಪುತ್ರನು ಕೂಡ  ಧರ್ಮಿಷ್ಢರಾಗಿದ್ದರು. ಆತನ ಪರೀಕ್ಷೆಗಾಗಿಯೇ ಪರಮಾತ್ಮನು  ಬೇರೊಂದು ರೂಪದಲ್ಲಿ ಬಂದು ನೀನು ಏಕಾದಶಿ ವ್ರತವನ್ನು ಬಿಡಬೇಕು. ಇಲ್ಲವೇ ನಿನ್ನ ಮಗ ಧರ್ಮಾಂಗನ ತಲೆ ಕತ್ತರಿಸಿಕೊಡಬೇಕು ಎಂದು ಕೇಳುತ್ತಾನೆ. ರುಕ್ಮಾಂಗನು  ಏನೂ ತೋಚದೇ ಸುಮ್ಮನಿದ್ದನು. ಅದನ್ನು ಕಂಡು ಆತನ ಮಗ ಧರ್ಮಾಂಗನು ಮುಂದೆ ಬಂದು ನೀನು ವ್ರತವನ್ನು ಬಿಡಬೇಡ ಧರ್ಮ ಪಾಲನಿಗೆ ನಾನು ನನ್ನ ಶಿರವನ್ನು ಕತ್ತರಿಸಿ ಕೊಡಲು ಸಿದ್ಧನಿರುವೆ ಎಂದು ಹೇಳಿದನು. ಅವರ ಭಕ್ತಿ , ಶ್ರದ್ಧೆ, ಪ್ರಾಮಾಣಿಕತೆಗೆ ಮೆಚ್ಚಿ  ಮೂವರಿಗೂ ಭಗವಂತ ಸದ್ಗತಿಯನ್ನು ನೀಡಿದನು. ಕಲಿಯುಗದಲ್ಲಿ ಮಕ್ಕಳಿಲ್ಲದಿದ್ದರೂ ಧರ್ಮವನ್ನು ನಿಷ್ಠೆಯಿಂದ ಆಚರಿಸಿದರೆ ಪರಮಾತ್ಮನು ಸದ್ಗತಿ ನೀಡುತ್ತಾನೆ.  ನವವಿಧ‌ ಭಕ್ತಿಗಳಲ್ಲಿ  ಆತ್ಮಾರ್ಪಣೆ ಶ್ರೇಷ್ಠವಾದ ಭಕ್ತಿ. ಧರ್ಮಾಂಗನು‌ ದೇಹದ ಮೇಲಿನ ವ್ಯಾಮೋಹ ಬಿಟ್ಟು ಭಗವಂತನಿಗೆ ತನ್ನನ್ನೆ ಅರ್ಪಣೆ ಮಾಡಿಕೊಳ್ಳಲು‌ ಸಿದ್ದನಾಗಿದ್ದ ಅದಕ್ಕಾಗಿ ಪರಮಾತ್ಮ ಸದ್ಗತಿ  ನೀಡಿದ. ಅದೇ ಕಾಲದಲ್ಲಿ ಕಲಿ, ಇಂದ್ರಜಿತು, ಮೊದಲಾದ ರಾಕ್ಷಸರು ವಿಚಿತ್ರವೀರ್ಯನ ಮಗನಾದ ದೃತರಾಷ್ಟ್ರನ ಪತ್ನಿಯ ಗರ್ಭದಲ್ಲಿ ಪ್ರವೇಶಿಸಿದರು.

ಧರ್ಮ ಪಾಲನೆಯಿಂದ ಸದ್ಗತಿ, ಮಹಾಭಾರತ ಸಾರ
ತನ್ನ ಸಹೋದರನ ಪತ್ನಿ ಗಾಂಧಾರಿ ಗರ್ಭಿಣಿಯಾದ ವಿಷಯ ಮುನಿಯಿಂದ ತಿಳಿದ ಪಾಂಡು ರಾಜನು ಕುಂತಿಯನ್ನು ಕರೆದು ನನಗಿಂತ ಗುಣದಲ್ಲಿ‌ ಅದೀಕರಾಗಿರುವರಿಂದ‌ ಮಕ್ಕಳನ್ನು ಪಡೆ ಎಂದು ಹೇಳುತ್ತಾನೆ. ಬಹಳ ದುಃಖ ದಿಂದ ಕುಂತಿಯು ನನ್ನ ಬಳಿ ದೇವತೆಗಳನ್ನು ಪ್ರಾರ್ಥಿಸಿ ಉತ್ತಮ ಮಕ್ಕಳನ್ನು ಪಡೆಯುವ ಮಂತ್ರವಿದೆ ಎಂದು ಹೇಳುತ್ತಾಳೆ.ಪತಿಗೆ ಬಂದ ಶಾಪದಿಂದಾಗಿ ಕುಂತಿ ಒಪ್ಪಿಕೊಳ್ಳುತ್ತಾಳೆ.
ನಿಮಗಿಂತ ಗುಣದಲ್ಲಿ ಅದಿಕರಾದವರು ದೇವತೆಗಳ ಹೊರತು ಮತ್ತಾರಿಲ್ಲ. ಈಗ ನೀವೆ ಹೇಳಿ ಯಾವ ದೇವತೆಯನ್ನು ಆಹ್ವಾನಿಸಲಿ‌ ಎಂದು ಕುಂತಿ ಪಾಂಡುರಾಜ ನನ್ನು ಕೇಳುತ್ತಾನೆ.
ಪಾಂಡು ರಾಜ ಏನು ಹೇಳಿದ ಎಂಬುದನ್ನು ನಾಳೆ ತಿಳಿದುಕೊಳ್ಳೋಣ.


- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ ( 9886465925 )

ಭೂಭಾರ ಹರಣಕ್ಕೆ ಕೃಷ್ಣಾವತಾರ , ಮಹಾಭಾರತ ಸಾರ

ಮರೀಚಿ ಮಕ್ಕಳಿಗೆ ಬ್ರಹ್ಮನು ಅವರ ಇಚ್ಛೆಯಂತೆ ವರವನ್ನು ಕೊಟ್ಟಿದ್ದನು. ಅದನ್ನು ತಿಳಿದು ಹಿರಣ್ಯಕಷ್ಯಪನು ಕೋಪಗೊಂಡು ನಿವೆಲ್ಲರೂ ಭೂ ಲೋಕದಲ್ಲಿ ಅವತರಿಸಿರಿ. ನಿಮ್ಮ ತಂದೆಯೇ ನಿಮ್ಮನ್ನು ಕೊಲ್ಲಲಿ ಎಂದು ಶಾಪ ಕೊಟ್ಟನು.
ಬ್ರಹ್ಮನು ಸಾಯಬಾರದು ಎಂದು ವರ ಕೊಟ್ಟಿದ್ದರು. ಆದರೆ ಹಿರಣ್ಯಕಷ್ಯಪು ಸಾಯಿಲಿ ಎಂದು ಶಾಪ ಕೊಟ್ಟಿದ್ದ. ಇದು ದೈತ್ಯರ ಸಹಜ ಸ್ವಭಾವ.
ದುರ್ಗಾದೇವಿಯು ಭಗವಂತನಿಂದ ಪ್ರೇರೆಪಿಸಲ್ಪಟ್ಟು ಅಸುರರ ದೇಹದಲ್ಲಿದ್ದ ಕಾಲನೇಮಿಯ ಪುತ್ರರನ್ನು ಅಪಕರಿಸಿ ದೇವಕಿ ಗರ್ಭದಲ್ಲಿ ತಂದು‌ ಸ್ಥಾಪಿಸುತ್ತಿದ್ದಳು. ದೇವಕೀಯ ಮಕ್ಕಳೆಂದು‌ ತಿಳಿದು ಕಾಲನೇಮಿಯ ಅವತಾರವಾದ ಕಂಸನು ಕೊಲ್ಲುತ್ತಿದ್ದ.
ಮೊದಲ ಮಗು ಜನಿಸಿತು. ವಸುದೇವ ಕಂಸನಿಗೆ ಕೊಡಲು ಹೋದ ಎಂಟನೇ ಮಗನಿಂದ ನನ್ನ ಸಾವು ಇದನ್ನು ಕೊಲ್ಲುವುದಿಲ್ಲ ಎಂದು ಮರಳಿ ಕಳಿಸಿದ. ಆಗ ನಾರದರು ಬಂದು ದೇವತೆಗಳ ಮಾತು ನಂಬಬೇಡ ಅವರ ಲೆಕ್ಕವೇ ವಿಚಿತ್ರವಾಗಿರುತ್ತದೆ, ಯಾವುದನ್ನು ನಂಬಬೇಡ ಎಂದು ಹೇಳಿದರು. ಆಗ ಕಂಸ ಮಗುವನ್ನು ತಂದು ಬಂಡೆಗೆ ಅಪ್ಪಳಿಸುತ್ತಾನೆ. ಹೀಗೆ ಆರು ಮಕ್ಕಳನ್ನು ಕಂಸ ಕೊಲ್ಲುತ್ತಾನೆ. ಈ ಆರು ಮಕ್ಕಳು ಮರೀಚಿ ಋಷಿಗಳ ಪುತ್ರರು. ಜ್ಞಾನಿಗಳನ್ನು ಅವಮಾನಿಸಿದ್ದಕ್ಕಾಗಿ ಶಾಪದಿಂದ ಜನಿಸಿದವರು.
ಏಳನೇ ಗರ್ಭದಲ್ಲಿ ಶೇಷ ದೇವರು ಪ್ರವೇಶ ಮಾಡಿ ಮೂರು ತಿಂಗಳು ಮಾತ್ರ ಅಲ್ಲಿದ್ದು, ನಂತರ ರೋಹಿಣಿ ಗರ್ಭದಲ್ಲಿ ಸೇರಿದ್ದಾರೆ. ಮುಂದೆ ಎಂಟನೇ ಗರ್ಭದಲ್ಲಿ ಭಗವಂತನೆ ಪ್ರವೇಶ ಮಾಡಿದ.


ಭಗವಂತನನ್ನು ಪುತ್ರನನ್ನಾಗಿ ಪಡೆಯಬೇಕೆಂದು ತಪಸ್ಸು ಮಾಡಿದ ಕಶ್ಯಪ ಅದಿತಿಗಳೆ ವಾಸುದೇವ ದೇವಕಿಯರು. ವಾಸುದೇವ ಕೃಷ್ಣನನ್ನು ಕರೆದುಕೊಂಡು ನಂದನ ಬಳಿ ತೆರಳಿದ. ಕಾವಲುಗಾರಿಗೆ ನಿದ್ರೆ ಹತ್ತಿತು, ದ್ವಾರಗಳು ತರೆದವು. ಯಮುನಾ ನದಿ ಹಾದಿ ಬಿಟ್ಟತು. ಮಳೆ ಬರುತ್ತಿತ್ತು ಶೇಷದೇವರು ರಕ್ಷಾಕವಚವಾದರು. ಕೃಷ್ಣನನ್ನು ಯಶೋಧಾ ಬಳಿ ಬಿಟ್ಟು ಅವಳ ಬಳಿ ಇದ್ದ ಹೆಣ್ಣು ಶಿಶುವನ್ನು ತಗೆದುಕೊಂಡು ವಾಸುದೇವ ಬಂದು ದೇವಕಿಗೆ ನೀಡಿದ್ದಾನೆ. ಮಗು ಅಳುವ ದ್ವನಿ ಕಂಸನಿಗೆ ಕೇಳಿಸಿತು. ಬಂದು ಬಂಡೆಗೆ ಅಪ್ಪಳಿಸಬೇಕು ಎನ್ನುವಷ್ಟರಲ್ಲಿ ಕಂಸನ ಕೈಯಿಂದ ಮೇಲಕ್ಕೆ ಹಾರಿದ ಶಿಶು ನಿನ್ನ ಶತ್ರು ಬೇರೆಕಡೆ ಬೆಳೆಯುತ್ತಿದ್ದಾನೆ ಎಂದು ಹೇಳಿ ಮಾಯವಾಯಿತು. ಇತ್ತೀಚೆಗೆ ಜನಿಸಿದ ರಾಜ್ಯದಲ್ಲಿನ  ಎಲ್ಲ ಮಕ್ಕಳನ್ನು ಕೊಲ್ಲುವಂತೆ ಪೂತನಿಗೆ ಕಳಿಸಿದ್ದಾನೆ. ಅನೇಕ ಮಕ್ಕಳನ್ನು ಕೊಂದು ಕೃಷ್ಣನನ್ನು ಕೊಲ್ಲಲು ಬಂದ ಪೂತನಿಯ ಹಾಲು ಮಾತ್ರವಲ್ಲದೆ ವಿಷವನ್ನೂ ಸೇವಿಸಿ ಕೃಷ್ಣ ಅವಳನ್ನು ಕೊಂದ. ಪೂತನಿಯಲ್ಲಿ ಊರ್ವಶಿಯೂ ಇರುತ್ತಾಳೆ. ಊರ್ವಶಿಗೆ ಸ್ಗದತಿ ನೀಡಿ ತನ್ನ ತಾಯಿ ಯಶೋಧಾಗೆ ಸಿಗುವ ಸ್ಥಾನ ಕರುಣಿಸಿದ. ಪೂತನಿಯನ್ನು ಸಂಹರಿಸಿದ. ಒಂದೆ ದೇಹದಲ್ಲಿ ಇರುವ ಇಬ್ಬರನ್ನೂ ಅವರವರ ಕರ್ಮಕ್ಕನುಗುಣವಾಗಿ ಶಿಕ್ಷೆ ನೀಡಿದ. ಮುಂದೆ ಅನೇಕ ರಾಕ್ಷಸರನ್ನು ಸಂಹರಿಸುತ್ತಾನೆ. ಬೆಣ್ಣೆ ಕಳ್ಳತನ ಮಾಡಿದಾಗ ತಾಯಿ ಯಶೋಧಾ ಕೃಷ್ಣನನ್ನು ಒರಳಿಗೆ ಕಟ್ಟಿ ಹಾಕಲು ಹೋಗುತ್ತಾಳೆ. ಹಗ್ಗ ಕಡಿಮೆ ಬಿದ್ದತು ಇನ್ನಿಷ್ಟು ಹಗ್ಗ ತಂದರೂ ಆಗಲೂ ಕಡಿಮೆ ಬಿತ್ತು. ಎಷ್ಟು ಹಗ್ಗ ತಂದರೂ ಕಡಿಮೆ ಬಿತ್ತು.ಕೊನೆಗೆ ಕೃಷ್ಣ ತಾನೆ ಕಟ್ಟಿಸಿಕೊಳ್ಳುತ್ತಾನೆ. ತಾಯಿಗೆ ಗೌರವ ನೀಡಬೇಕು ಎಂಬುದು ನಮಗೆ ಕೃಷ್ಣ ತೋರಿಸಿದ್ದಾನೆ. ಭಗವಂತನಿಗೆ ಕಟ್ಟಿ ಹಾಕುವುದು ಯಾರಿಂದಲೂ ಸಾಧ್ಯವಿಲ್ಲ, ಕಟ್ಟಿದರೂ ಭಕ್ತಿಯ ಹಗ್ಗದಿಂದ ಮಾತ್ರ ಸಾದ್ಯ ಎಂಬ ಸಂದೇಶವನ್ನು ಭಗವಂತ ನಮಗೆ ನೀಡಿದ್ದಾನೆ.

ಭೂಭಾರ ಹರಣಕ್ಕೆ ಕೃಷ್ಣಾವತಾರ , ಮಹಾಭಾರತ ಸಾರ
ವಿಷವನ್ನು ಬಿಟ್ಟು ಅನೇಕ ಗೋವು, ಗೋಪಾಲಕರ ಸಾವಿಗೆ ಕಾರಣವಾಗಿದ್ದ ಕಾಳಿಂಗ ಯಮುನಾ ನದಿಯಲ್ಲಿ ಇದ್ದ. ನದಿಯಲ್ಲಿ ಇಳಿದು ಕಾಳಿಂಗನ ಹೆಡೆಯ ಮೇಲೆ ನರ್ತನ ಮಾಡಿದರೇ. ಬ್ರಹ್ಮಾದಿ ದೇವತೆಗಳು ವಾದ್ಯ ನುಡಿಸಿರು. ಕಾಳಿಂಗನನ್ನು ಅಲ್ಲಿಂದ ಹೋಡಿಸಿದಕೃಷ್ಣ ವೃಂದಾವನಕ್ಕೆ ಬಲರಾಮನೊಂದಿಗೆ ತೆರಳುತ್ತಾನೆ. ಮುಂದೆ ಕಂಸನನ್ನು ಸಂಹರಿಸುತ್ತಾನೆ.
ಪಾಂಡವರ ಪಕ್ಷದಲ್ಲಿದ್ದು, ಅರ್ಜುನನಿಗೆ ಭಗವದ್ಗೀತೆ ಉಪದೇಶ ನೀಡಿ, ವಿಶ್ವರೂಪ ದರ್ಶನ ನೀಡಿ, ಯುದ್ದಕ್ಕೆ ಪ್ರೇರೆಪಿಸುತ್ತಾನೆ. ದುರ್ಯೋಧನಾದಿಗಳ ಸೋಲಿಗೆ ಕಾರಣವಾದ. ಕೃಷ್ಣಾವತಾರದಲ್ಲಿ
ಭಗವಂತ ಅನೇಕ ಅಸುರರನ್ನು ಸಂಹರಿಸಿ ಭೂ ಭಾರವನ್ನು ಹರಣ ಮಾಡಿದ್ದಾನೆ.
 

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ ( 9886465925 )

ಕೃಷ್ಣಾವತಾರದ ಪೀಠಿಕೆ , ಮಹಾಭಾರತ ಸಾರ

ಬಾಹ್ಲಿಕರಾಜನ ಪುತ್ರಿ ರೋಹಿಣಿಯನ್ನು ಕೂಡ ವಸುದೇವನು ಮದುವೆಯಾಗಿದ್ದ. ಆ ರೋಹಿಣೆಯೇ ಮೂಲದಲ್ಲಿ ಸುರಭಿ. ವಸುದೇವನ ನಿಯತ ಪತ್ನಿ.ಕಾಶೀ ರಾಜನ ಮಗಳು ದಿತಿಯನ್ನು ಪುತ್ರಿಕಾ ಪುತ್ರಕ ನ್ಯಾಯದಿಂದ ವಸುದೇವನು ಮದುವೆಯಾಗಿದ್ದನು. ಕರವೀರ ಪುರ (ಕೊಲ್ಹಾಪುರ) ರಾಜನ ಮಗಳು ದನು ಎಂಬುವಳನ್ನೂ ವಸುದೇವನು ತನ್ನ ಧರ್ಮ ಪತ್ನಿಯನ್ನಾಗಿ ಸ್ವೀಕರಿಸಿದ್ದಾನೆ. ದಿತಿ ಮತ್ತು ದನು ಇವರಿಬ್ಬರು ಮೂಲದಲ್ಲಿ ವಸುದೇವನ ನಿಯತ ಪತ್ನಿಯರೆ.ಪುತ್ರಿಕಾಪುತ್ರಕ ನ್ಯಾಯ ಪದ್ದತಿ ಎಂದರೆ, ಒಬ್ಬರಾಜನಿಗೆ ಪುರುಷ ಸಂತಾನವಿಲ್ಲದಾಗ  ತನ್ನ ಮಗಳ ಹೊಟ್ಟೆಯಲ್ಲಿ ಜನಿಸುವ ಗಂಡು ಮಗು ತನಗೆ  ಕೊಡಬೇಕು ಎಂದು ಮಗಳ ಮದುವೆ ಕಾಲದಲ್ಲಿ  ಮಾಡಿಕೊಳ್ಳುವ ಒಪ್ಪಂದಕ್ಕೆ ಪುತ್ರಿಕಾಪುತ್ರಕ ಪದ್ಧತಿ ಎನ್ನುವರು. ಈ ಪದ್ಧತಿ ಅಂದಿನ ಕಾಲದಲ್ಲಿ ಜಾರಿಯಲ್ಲಿತ್ತು.ಮಗಳ ಮಗನನ್ನು ತನ್ನ ಮಗನೆಂದು ತಿಳಿಯುವ ಪದ್ಧತಿ ಅದು.
ಹಿಂದೆ ವಿಷ್ಣುನೇ ಇಲ್ಲ ನಾನೆ ವಿಷ್ಣು ಎಂದು ಹೇಳಿಕೊಳ್ಳುತ್ತಿದ್ದ  ಪಾಪಿಷ್ಠನಾದ ವೇನನೇ ಇಂದು ಕಾಶಿರಾಜನ ಮಗಳಾದ ದಿತಿಯ ಹೊಟ್ಟೆಯಲ್ಲಿ ಪೌಂಡ್ರಿಕ ವಾಸುದೇವನಾಗಿ  ವಸುದೇವನಿಗೆ ಮಗನಾಗಿ ಹುಟ್ಟಿದ್ದಾನೆ. ಇಲ್ಲೂ ಕೂಡ ನಾನೆ ವಿಷ್ಣು ಎಂದು ಅವನ ವಾದ.ಒಳ್ಳೆ ಮನೆತನದಲ್ಲಿ ಹುಟ್ಟಿದ್ದರೂ ಅವನು ಹಿಂದಿನ ಜನ್ಮದ ಗುಣವನ್ನು ಬಿಡಲಿಲ್ಲ. ತಾಮಸ  ಜೀವಿಯು ಎಂದೂ ಸಾತ್ವಿಕನಾಗಲು ಸಾಧ್ಯವಿಲ್ಲ ಎಂಬುದನ್ನು ತಿಳಿಸಿಕೊಡುತ್ತದೆ.
ಮಧು ಎಂಬ ದೈತ್ಯನ ಮಗನೇ ಧುಂದುವು. ಅವನನ್ನು ಶ್ರೀ ಹರಿಯು ಹಿಂದೆಯೇ ಕೊಂದಿದ್ದಾನೆ. ಕರವೀರ ಪುರದ ರಾಜನ ಮಗಳಾದ ದನುವಿನಲ್ಲಿ  ಇಂದು ಅವನೇ ಸ್ವಗಾಲ ವಾಸುದೇವನಾಗಿ ವಸುದೇವನ ಮಗನಾಗಿ ಜನಿಸಿದ್ದಾನೆ. ಈ ಇಬ್ಬರ ಮಕ್ಕಳ ನಂತರ ವಸುದೇವನು ದೇವಕಿಯ ಜತೆ ಮದುವೆಯಾದನು.ತಾಯಿಯ ಜತೆ ಇಲ್ಲವೆಂಬ ಕಾರಣದಿಂದ ಈ ಇಬ್ಬರು ಪುತ್ರರು ಯಾದವರಿಗೆ ಸದಾ ವೈರಿಗಳಾಗಿದ್ದರು. ಉಳಿದವರಲ್ಲಿ ವಸುದೇವನು ಉತ್ತಮ ಮಕ್ಕಳನ್ನು ಪಡೆದಿದ್ದಾನೆ.

ಕೃಷ್ಣಾವತಾರದ ಪೀಠಿಕೆ , ಮಹಾಭಾರತ ಸಾರ
ಯಾವ ಯಾವ ದೇವತೆಗಳು ಪೃಥ್ವಿಯಲ್ಲಿ ಅವತರಿಸಿದ್ದಾರೋ ಅವರೆಲ್ಲರೂ ವ್ಯಾಸಾವತಾರಿಯಾದ ಶ್ರೀಹರಿಯ ಶಿಷ್ಯರಾದರು.  ಎಲ್ಲರು ತಮ್ಮ ತಮ್ಮ ಯೋಗ್ಯತೆಗನುಸಾರವಾಗಿ ಶ್ರೀ ಹರಿಯ ಗುಣಗಳನ್ನು ತಿಳಿದುಕೊಂಡಿದ್ದರು. ಮರೀಚಿ ಋಷಿಗಳ ಮಕ್ಕಳು‌ ಆರು ಜನರು ಮುನಿಗಳಾಗಿಯೇ ಜನಿಸಿದರು. ನಾವೆ ಸುಂದರರು ಎಂಬ ಗರ್ವ ಅವರಲ್ಲಿತ್ತು. ಕೃಷನಾದ ದೇವಕ ಋಷಿಗೆ ಪರಿಹಾಸ್ಯ ಮಾಡಿದರು. ಆಗ ದೇವಕ ಋಷಿಯು  ನೀವೆಲ್ಲರೂ ದೈತ್ಯರಾಗಿರಿ ಎಂದು ಶಾಪ ಕೊಟ್ಟರು. ಆ ಶಾಪದ  ಪರಿಣಾಮವಾಗಿ ಅವರೆಲ್ಲರೂ ಕಾಲನೇಮಿ ಎಂಬ ಅಸುರನಲ್ಲಿ  ಹುಟ್ಟಿದರು‌. ಅವರೆಲ್ಲರು ಅವಧ್ಯರಾಗಬೇಕು ಎಂದು ತಪಸ್ಸು ಮಾಡಿದರು‍.
ದೊಡ್ಡವರಿಗೆ, ಜ್ಞಾನಿ ಗಳಿಗೆ ಅಪಹಾಸ್ಯ ಮಾಡಿದರೆ ಕೆಟ್ಟ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಮಹಾಭಾರತ ಎಚ್ಚ ರಿಕೆ ನೀಡಿದೆ.
 

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ {(9886465925)

ಗೋ ಹತ್ಯೆಭಯಂಕರ ಪರಿಣಾಮ , ಯಾದವ ವಂಶ, ಮಹಾಭಾರತ ಸಾರ

ತಿಳಿದೋ ತಿಳಿಯದೋ ಯಾರಾದರು  ಹಣದಾಸೆಯಿಂದ ಮತ್ತೊಬ್ಬರ ಹಸುವನ್ನು ಕದ್ದು ಅದನ್ನು ಬೇರೆಯವರಿಗೆ ಮಾರಿದರೆ ಅಂತಹವರಿಗೆ ಎಂಥ ಗತಿ ಪ್ರಾಪ್ತ ವಾಗುತ್ತದೆ‌ ಎಂದು ಇಂದ್ರನು ಕೇಳುತ್ತಾನೆ.
ಸೇವಿಸುವುದಕ್ಕಾಗಲಿ, ಮಾರುವುದಕ್ಕಾಗಲಿ, ಬ್ರಾಹ್ಮಣರಿಗೆ ದಾನ ಕೊಡುವುದಕ್ಕಾಗಲಿ ಬೇರೆಯವರ ಗೋವನ್ನು  ಕದ್ದರೆ ಭಯಂಕರ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಬ್ರಹ್ಮ ಹೇಳಿದ.
ಮಾಂಸ ಮಾರುವ ಸಲುವಾಗಿ ಗೋವನ್ನು ಹಿಂಸಿಸುವವರು,  ಗೋ ಮಾಂಸ ಭಕ್ಷಿಸುವರು ಮತ್ತು ಕಟುಕರಿಗೆ ಗೋವುಗಳನ್ನು ಮಾರುವವರು ಮಹಾ ಪಾಪಕ್ಕೆ ಗುರಿಯಾಗುತ್ತಾರೆ.
ಗೋವು ಕೊಲ್ಲುವವರು, ಗೋ ಹತ್ಯೆಗೆ ಅನುಮತಿಸುವವರು ಅಂತವರು ಕೊಲೆಗಿಡಾದ ಹಸುವಿನಲ್ಲಿ ಎಷ್ಟು ರೋಮಗಳಿವೆಯೋ ಅಷ್ಟು ವರ್ಷಗಳಕಾಲ ನರಕದಲ್ಲಿ ಬಿದ್ದಿರುತ್ತಾರೆ.
ಬ್ರಾಹ್ಮಣರು ಮಾಡುತ್ತಿರುವ ಯಜ್ಞ ಗಳನ್ನು ಹಾಳು ಮಾಡಿದವರಿಗೆ ಬರುವ ಪಾಪದಷ್ಟು  ಗೋವು ಕದ್ದವರು  ಅನುಭವಿಸಬೇಕಾಗುತ್ತದೆ.
ಯಾರು ಗೋವು ಕದ್ದು ಬ್ರಾಹ್ಮಣನಿಗೆ ದಾನ ಮಾಡುತ್ತಾರೋ ಅಂಥವರು ತಾವೆ ಸಂಪಾದಿಸಿ ಗೋದಾನ ಮಾಡಿದರೆ ಎಷ್ಟು ವರ್ಷ ಪುಣ್ಯ ಗಳಿಸುತ್ತಾರೋ ಅಷ್ಟು ವರ್ಷಗಳ ಕಾಲ ನರಕಯಾತನೆ ಅನುಭವಿಸಬೇಕಾಗುತ್ತದೆ.
ಗೋದಾನದಲ್ಲಿ ಸುವರ್ಣ ದಕ್ಷಿಣೆ ಸೇರಿಸಿ ಕೊಡಬೇಕು ಎಂಬ ನಿಯಮವಿದೆ.
ಗೋದಾನ ಮಾಡುವುದರಿಂದ  ತನ್ನ ಹಿಂದಿನ ಏಳು ತಲೆಮಾರಿನವರನ್ನು ಹಾಗೂ ಮುಂದಿನ ಏಳು ತಲೆ ಮಾರಿನವರು ಉದ್ಧಾರವಾಗುತ್ತಾರೆ. ಸುವರ್ಣ ಸಹಿತ ಗೋದಾನ ಮಾಡಿದರೆ ಅದರ ಪಟ್ಟು ತಲೆ ಮಾರಿನವರು ಉದ್ಧಾರವಾಗುತ್ತಾರೆ ಎಂದು ಬ್ರಹ್ಮದೇವರು ಹೇಳಿದರು.
 

ಗೋ ಹತ್ಯೆಭಯಂಕರ ಪರಿಣಾಮ , ಯಾದವ ವಂಶ, ಮಹಾಭಾರತ ಸಾರ

ಯಾದವ ವಂಶ
 

ಪೂರ್ವದಲ್ಲಿ ಆಹುಕನೆಂಬ ಗಂಧರ್ವನಿದ್ದನು. ಆತನು ಶ್ರೀ ಹರಿಯ ಸೇವಾರ್ಥವಾಗಿಯೇ ಭೂಲೋಕದಲ್ಲಿ‌‌ ಜನಿಸಿದ್ದನು.
ಅವನ ಮಗನೇ ದೇವಕ. ದೇವಕನು ಯಾದವ ಮನೆತನದವನು. ಉಗ್ರಸೇನನು ಒಬ್ಬ ಗಂಧರ್ವನೆ. ಅವನು‌ ಅದೇ ಹೆಸರಿನಿಂದಲೇ ಭೂಲೋಕದಲ್ಲಿ ಜನಿಸಿದ್ದಾನೆ. ದೇವಕನು ಉಗ್ರಸೇನನ ತಮ್ಮನು. ದೇವಕನ ಹೊಟ್ಟೆಯಲ್ಲಿಯೇ ದೇವಕಿ ಜನಿಸಿದಳು.
ದೇವಕಿ ಮೂಲದಲ್ಲಿ ಕಷ್ಯಪರ ಹೆಂಡಂದಿರಲ್ಲಿ ಹಿರಿಯಳು.ಈಗ ದೇವಕನ ಮಗಳಾಗಿ ಜನಿಸಿದ್ದಾಳೆ. ಅವಳನ್ನೆ‌ ಆಹುಕನು ತನ್ನ ಮಗಳನ್ನಾಗಿ ಮಾಡಿಕೊಂಡಿದ್ದಾನೆ. ದೇವಕಿಯು ಕಂಸನಿಗೆ ತಂದೆಯ ಕಡೆಯಿಂದ ನೋಡಿದಾಗ ತಂಗಿಯಾಗಬೇಕು. ತಂದೆಯ ತಂಗಿ ಎನ್ನುವ ದೃಷ್ಟಿಯಿಂದ  ಸೋದರತ್ತೆಯೂ ಹೌದು.
ಅದಿತೆಯೇ  ಇಂದು ದೇವಕಿಯಾಗಿದ್ದಾಳೆ. ಅವಳನ್ನೆ ವಸುದೇವನಿಗೆ ಮದುವೆ ಮಾಡಿಕೊಡಲಾಯಿತು. ನವ ದಂಪತಿಗಳು ಕುಳಿತಿರುವ ರಥವನ್ನು ಕಂಸನೇ ಸಾರಥಿಯಾಗಿ  ನಡಿಸುತ್ತಿದ್ದಾನೆ. ಆ ಸಮಯದಲ್ಲಿ ಆಕಾಶದಲ್ಲಿ ಒಂದು ಭಯಾನಕ‌ ಶಬ್ದ ಕೇಳಿಸಿತು. ಈ ದೇವಕಿಯ ಎಂಟನೇ ಮಗನಿಂದಲೇ‌ ನಿನ್ನ ಮರಣ ಎಂದು‌ ಆಕಾಶವಾಣಿ ಆಯಿತು. ಇದನ್ನು ಕೇಳಿದ ಕಂಸನು  ಕಿರುಗತ್ತಿ ತೆಗೆದುಕೊಂಡು ದೇವಕಿಯನ್ನು ಕೊಲ್ಲಲು ಮುಂದಾದ. ನಿನ್ನ ಸಾವು ಇವಳ ಮಕ್ಕಳಿಂದ. ಇವಳಿಂದಲ್ಲವಲ್ಲ. ಹಾಗಾದರೆ ಇವಳನ್ನೇಕೆ ಕೊಲ್ಲಿವಿ. ಮಕ್ಕಳನ್ನು ನಿನಗೆ ಒಪ್ಪಿಸುವೆ ದೇವಕಿಯನ್ನು ಕೊಲ್ಲಬೇಡ ಎಂದು ಹೇಳುತ್ತಾನೆ. ವಸುದೇವನು ದೇವಕಿಯನ್ನು ಗಂಡಾಂತರದಿಂದ ಪಾರು ಮಾಡಿದ. ಕಂಸನು ಅವರಿಬ್ಬರನ್ನು ಕಾರಾಗೃಹದಲ್ಲಿಟ್ಟನು.
ವಾಸುದೇವನಲ್ಲಿನ ಸಮಯ ಪ್ರಜ್ಞೆ ಎಲ್ಲರಲ್ಲೂ ಇರಬೇಕು.  ಮನುಷ್ಯರಲ್ಲಿ ಇರಬೇಕಾದ ಅತಿ ಅವಶ್ಯಕ ಗುಣವಿದು. ಗಂಡಾಂತರ ಬಂದಾಗ ಪಾರು ಮಾಡುತ್ತದೆ ಈ ಸಮಯ ಪ್ರಜ್ಞೆ ಎಂಬುದನ್ನು ಮಹಾಭಾರತ ನಿರೂಪಿಸಿದೆ.

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ (9886465925)

ಇಂದ್ರ -ಬ್ರಹ್ಮರ‌ ಸಂವಾದ , ಮಹಾಭಾರತ ಸಾರ

ಇಂದ್ರ ಮತ್ತು ಬ್ರಹ್ಮದೇವರ ನಡುವೆ ನಡೆದ ಸಂವಾದದ ಕುರಿತು ಭೀಷ್ಮರು ಧರ್ಮರಾಜನಿಗೆ ಹೇಳುತ್ತಾರೆ.
ಚತುರ್ಮುಖನೆ ಗೋ ಲೋಕದ ಜನರು ತಮ್ಮದೇ ಆದ ತೇಜಸ್ಸಿನಿಂದ  ಸ್ವರ್ಗ ಲೋಕದ ಜನರ ಕಾಂತಿಯನ್ನು  ತಿರಸ್ಕರಿಸಿ ಹೋಗುತ್ತಿರುವುದನ್ನು ನಾನು ಕಂಡಿದ್ದೇನೆ. ಈ ವಿಷಯದಲ್ಲಿ ನನಗೊಂದು ಸಂದೇಹವಿದೆ ಎಂದು ಇಂದ್ರನು ಕೇಳುತ್ತಾನೆ.
ಗೋ ದಾನ ಮಾಡುವವರು ಅವಸಾನದ ನಂತರ ವಾಸ ಮಾಡುವ ಲೋಕಗಳು ಎಂಥವು. ಆ ಲೋಕಗಳು ಹೇಗಿವೆ. ಅಲ್ಲಿ ಎಂಥ ಫಲಗಳು ಸಿಗುತ್ತವೆ, ಅಲ್ಲಿಯ ಸರ್ವಶ್ರೇಷ್ಠವಾದ ಗುಣ ಯಾವುದು, ಗೋ ದಾನ ಮಾಡುವವರು ಎಲ್ಲ ಚಿಂತೆಯಿಂದ ಮುಕ್ತರಾಗಿ ಅಲ್ಲಿಗೆ ಹೇಗೆ ಹೋಗುತ್ತಾರೆ ಎಂಬುದನ್ನು ತಿಳಿಸು ಎಂದು ಇಂದ್ರ ಪ್ರಾರ್ಥನೆ ಮಾಡುತ್ತಾನೆ. ಗೋದಾನ ಮಾಡಿದವರು ಅಲ್ಲಿ ಎಷ್ಟು ಕಾಲ ಸುಖಭೋಗ ಅನುಭವಿಸುತ್ತಾರೆ, ಬಹುದಾನಿಯು ಅಲ್ಪ ದಾನಿ ಮತ್ತು ಅಲ್ಪದಾನಿಯೂ ಬಹುದಾನಿಗೆ ಹೇಗೆ ಸಮಾನನಾಗುತ್ತಾನೆ, ಗೋದಾನದಲ್ಲಿ ಎಂಥ ದಕ್ಷಿಣೆ ಶ್ರೇಷ್ಠವೆನಿಸುತ್ತದೆ ಈ ಎಲ್ಲ ವಿಷಯಗಳ ಕುರಿತು ತಿಳಿಸಿಕೊಡು ಎಂದು ಕೇಳುತ್ತಾನೆ.
ಆಗ ಬ್ರಹ್ಮದೇವರು ಹೇಳುತ್ತಾರೆ, ಅನೇಕ ಪ್ರಕಾರವಾದ ಗೋಲೋಕಗಳಿವೆ.ಆ ಲೋಕಗಳನ್ನು ನಿನಗೆ ನೋಡಲಾಗದು.ನಾನು ಆ ಲೋಕಗಳನ್ನು ನೋಡಬಲ್ಲೆ ಮತ್ರು ಪತಿವ್ರತಾ ಸ್ತ್ರೀಯರು ನೋಡಬಲ್ಲರು.‌ಉತ್ತಮವಾದ ಅನುಷ್ಠಾನ ಮಾಡುವ ಋಷಿಗಳು, ಸಾತ್ವಿಕ ಬುದ್ದಿಯುಳ್ಳ ಬ್ರಾಹ್ಮಣರು ಆ ಲೋಕಗಳಿಗೆ ಹೋಗಬಲ್ಲರು.
ಉತ್ತಮವಾದ ವ್ರತ ಆಚರಿಸುವ ಯೋಗಿಗಳು ಶರೀರವನ್ನು ಬಿಟ್ಟು ಮೋಕ್ಷಕ್ಕೆ ಹೋಗುವ ಸಮಯದಲ್ಲಿ ಆ ಲೋಕಗಳನ್ನು ಅಲ್ಲಿಂದಲೇ ನೋಡುವರು.

ಇಂದ್ರ -ಬ್ರಹ್ಮರ‌ ಸಂವಾದ , ಮಹಾಭಾರತ ಸಾರ
ಆ ಗೋ ಲೋಕವು ಕಲಾತೀತವಾದ ಲೋಕವಾಗಿದೆ. ಅಲ್ಲಿ ವಾಸಿಸುವವರಿಗೆ ವೃದ್ದಾಪ್ಯವೇ ಬರುವುದಿಲ್ಲ. ಅಲ್ಲಿ ಯಾರಿಗೂ ಯಾವರೀತಿಯ ಅಶುಭ ವಾಗುವುದಿಲ್ಲ. ರೋಗಗಳ ಬಾಧೆ ಇರುವುದಿಲ್ಲ.ಅಲ್ಲಿನ ಗೋವುಗಳು ಸಂಕಲ್ಪ ಮಾತ್ರದಿಂದಲೇ ಎಲ್ಲ ಕಾಮನೆಗಳನ್ನು ಪಡೆದುಕೊಂಡು ಭೋಗಿಸುತ್ತವೆ. ಅದೊಂದು ಮನಮೋಹಕ ಲೋಕವಾಗಿದೆ. ಶೋಕ, ದುಃಖ, ಕಾಯಕ್ಲೇಶಗಳನ್ನು  ಸಹಿಸುವ ಸಹನಾಶೀಲ, ದಯಾಳುಗಳಾದ , ಗುರುಜನ ಆಜ್ಞೆ ಯಂತೆ ವರ್ತಿಸುವ ಅಹಂಕಾರ, ಮಮಕಾರಗಳಿಂದ ವಿಹಿತರಾದ ಮಾನವ ಶ್ರೇಷ್ಠರು ಅಂಥ ಲೋಕಕ್ಕೆ ಹೋಗುತ್ತಾರೆ ಎಂದು ಬ್ರಹ್ಮದೇವರು ಇಂದ್ರನಿಗೆ ಗೋ ಲೋಕದ ಮಹಿಮೆಯನ್ನು ಹೇಳಿದರು.
 

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ (9886465925)

ದೇವತೆಗಳಿಂದ ಪ್ರಾರ್ಥನೆ , ಮಹಾಭಾರತ ಸಾರ

 ಭೂಮಂಡಲದಲ್ಲಿ ಅಸುರ ಶಕ್ತಿ ಪ್ರಬಲವಾಗಿ ಬೆಳೆದು ಸಜ್ಜನರಿಗೆ ಪೀಡೆ ನೀಡುತ್ತಿರುವುದನ್ನು ತಡೆಯಬೇಕು ಎಂದು ಎಲ್ಲ‌ ದೇವತೆಗಳು ಬ್ರಹ್ಮನ ಬಳಿ ತೆರಳಿ ಪ್ರಾರ್ಥಿಸುತ್ತಾರೆ. ಬ್ರಹ್ಮನು ದೇವತೆಗಳ ಜತೆ ನಾರಾಯಣನ ಬಳಿ ತೆರಳಿ ಪ್ರಾರ್ಥಿಸುತ್ತಾನೆ.
ಭೂ ಲೋಕದಲ್ಲಿ ರಾಕ್ಷಸರ ಹಾವಳಿ ಹೆಚ್ಚಾಗಿದೆ. ಅಧರ್ಮ ತಾಂಡವವಾಡುತ್ತಿದೆ. ನೀನು ಅವತರಿಸಿ ಧರ್ಮ ಪ್ರತಿಷ್ಠಾಪಿಸಬೇಕು ಎಂದು ಪ್ರಾರ್ಥನೆ ಮಾಡುತ್ತಾರೆ. ದೇವತೆಗಳ ಪ್ರಾರ್ಥನೆಗೆ ಮನ್ನಿಸಿ ಭಗವಂತ ಶೇಷನ ಮೇಲಿಂದ ಎದ್ದು ಸಕಲ ದೇವತೆಗಳ ಮಧ್ಯೆ ಬಂದು ನಿಂತನು.
ಬ್ರಹ್ಮದೇವರು ಭಗವಂತನಿಗೆ ನಮಸ್ಕರಿಸಿ, ಪೂರ್ವದಲ್ಲಿ ನಾನು ವರುಣನಿಗೆ ಕೆಲ ಉತ್ತಮ ಗೋವುಗಳನ್ನು ಕೊಟ್ಟಿದ್ದೆ. ಆದರೆ ಕಷ್ಯಪನು ಗರ್ವದಿಂದ ನಾನು ಕೊಟ್ಟ ಗೋವುಗಳನ್ನು ಅಪಹರಿಸಿದನು. ಸುರಭಿಯ ಆಕರ್ಷಣೆ ಯಿಂದ ಪ್ರಚೋದಿತನಾಗಿ  ಕಷ್ಯಪನು ಈ ಕೆಲಸ ಮಾಡಿದನೆಂದು ವರುಣನಿಂದಲೇ ಕೇಳಿದೆ. ನೀನು ಕ್ಷತ್ರಿಯನಾಗಿ ಹುಟ್ಟಿ ಗೋವಿನಿಂದಲೇ ಉಪಜೀವಿಸು ಎಂದು ನಾನು ಕಷ್ಯಪರಿಗೆ  ಶಾಪ ಕೊಟ್ಟಿದ್ದೇನೆ. ಕ್ಷತ್ರಿಯನಾದವನಿಗೆ ಗೋಜೀವನ ನೀಚ ಕೆಲಸವೇ ಸರಿ ಎಂದು ಬ್ರಹ್ಮನು ಭಗವಂತನಿಗೆ ಹೇಳಿದ.
ಆ ಕಷ್ಯಪನೇ ಶೂರ  ಎಂಬ ಯಾದವರ ಮನೆತನದಲ್ಲಿ ಹುಟ್ಟಿದ್ದಾನೆ. ಬಹಳಷ್ಟು ಗೋ ಸಂಪತ್ತು ಹೊಂದಿದ್ದಾನೆ. ಆ ಶೂರನ ಪುತ್ರನೇ ವಸುದೇವನು. ಅದಿತಿಯೇ ದೇವಕಿಯಾಗಿ  ಅವನಿಗೆ ಹೆಂಡತಿಯಾಗಿದ್ದಾಳೆ. ಸುರಭಿಯು ರೋಹಿಣಿಯಾಗಿ ಮತ್ತೊಬ್ಬ ಹೆಂಡತಿಯಾಗಿದ್ದಾಳೆ. ಈಗ ನೀನು ಅಲ್ಲಿ ದೇವಕಿಯ ಮಗನಾಗಿ ಅವತರಿಸು. ದ್ರೋಣನಾಮಕ ವಸು ತನ್ನ ಹೆಂಡತಿಯಾದ ಧರಾದೇವಿ ಸಹಿತ  ಅಲ್ಲಿಯೇ  ಹುಟ್ಟಿದ್ದಾನೆ. ಆತನು ನಿನ್ನ ತಂದೆ ಯಾಗಬೇಕು ಎಂದು  ತಪಸ್ಸು ಆಚರಿಸುತ್ತಿದ್ದಾನೆ. ನಿನ್ನ ಇಚ್ಛೆ ಫಲಿಸಲಿ ಎಂದು ನಾನು ಅವನಿಗೆ ವರವನ್ನು ಕೊಟ್ಟಿದ್ದೇನೆ. ಅವನೆ ನಂದ ನೆಂಬ ಹೆಸರಿಂದ ಹುಟ್ಟಿದ್ದಾನೆ. ಅವನ ಹೆಂಡತಿಯೇ ಯಶೋಧೆ. ಶೂರನಿಂದ  ಸ್ವೀಕರಿಸಲ್ಪಟ್ಟ ವೇಶ್ಯೆಯಲ್ಲಿ ಹುಟ್ಟಿದ್ದರಿಂದ  ಅವನು ಗೋಪಾಲಕನಾಗಿದ್ದಾನೆ.

ದೇವತೆಗಳಿಂದ ಪ್ರಾರ್ಥನೆ ,  ಮಹಾಭಾರತ ಸಾರ
ವಸುದೇವ, ದೇವಕಿಯರು ಕೂಡ ನೀನೆ ಮಗನಾಗಬೇಕು‌ ಎಂದು ತಪಸ್ಸು ಮಾಡಿದ್ದಾರೆ. ಹೀಗಾಗಿ ಮೊದಲು‌ ನೀನು‌ ಅಲ್ಲಿ ಮೂಲ‌ಸ್ವರೂಪದಿಂದ ಪ್ರಕಟನಾಗು. ನಂತರ ಗೋಕುಲದಲ್ಲಿ‌ ನಂದಗೋಪನ‌ ಮನೆಗೆ ಹೋಗು ಎಂದು ಬ್ರಹ್ಮದೇವರು ಪರಮಾತ್ಮನಲ್ಲಿ‌ ಪ್ರಾರ್ಥಿಸುತ್ತಾರೆ.
ಬ್ರಹ್ಮನ ಮಾತನ್ನು ಮನ್ನಿಸಿದ ಭಗವಂತ‌ ಎಲ್ಲ ದೇವತೆಗಳು‌ ತಮ್ಮ ತಮ್ಮ ಯೋಗ್ಯತೆಗನುಗುಣವಾಗಿ ಭೂಲೋಕದಲ್ಲಿ ಜನ್ಮ ತಾಳಿ‌ ಎಂದು ಹೇಳಿದನು.
ಶ್ರೀ ಹರಿಯ ಆಜ್ಞೆ ಯಂತೆ ದೇವತೆಗಳು ಅಲ್ಲಲ್ಲಿ  ಹುಟ್ಟಿದರು. ಕುಬೇರನು ಮಾತ್ರ ತಾನು ದೇವತೆಯಾದರೂ ನರಕಾಸುರನ ಮಗನಾಗಿ ಜನಿಸಿದನು.
ಪಾಪಿಷ್ಟನಾದ ನರಕಾಸುರನು ರುದ್ರದೇವರು ಕುಬೇರನಿಗೆ ಕೊಟ್ಟಿದ್ದ ಸುಪ್ರತೀಕ ಎಂಬ ಆನೆಯನ್ನು ಅಪಹರಿಸಿದ್ದನು.  ಅದನ್ನು ಮರಳಿ ಪಡೆಯುವ ಉದ್ದೇಶದಿಂದ ಕುಬೇರನು ನರಕಾಸುರನ ಮಗನಾಗಿ ಜನಿಸಿದ್ದಾನೆ. ಅವನೇ ಭಗದತ್ತನು.
ಆ ಭಗದತ್ತನಿಗೆ ಮಹಾಸುರವೇಶವಿತ್ತು. ಜತೆಯಲ್ಲಿ‌ ರುದ್ರಾವೇಶವೂ ಇತ್ತು. ಈ ಎರಡು ಕಾರಣದಿಂದ ಅವನು ಬಲಿಷ್ಠನಾಗಿದ್ದನು. ದೇವೇಂದ್ರನ ಶಿಷ್ಯನು ಹೌದು. ತಂದೆ ನರಕಾಸುರನು ಹತನಾದ ನಂತರ ಅವನು ಸ್ವಧರ್ಮದಲ್ಲಿ ನಿರತನಾದನು. ಅವನಲ್ಲಿನ‌ ಅಸುರಾವೇಶವು ಕಳೆದು ಹೋಯಿತು.


- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗಿ (9886465925)

ಚಾಂಡಾಲ- ಕ್ಷತ್ರಬಂಧು ಸಂವಾದ , ಮಹಾಭಾರತ ಸಾರ

ಒಂದು ದಿನ ಚಾಂಡಾಲನು ನೀರಿನ ಕುಂಡದಲ್ಲಿ ತನ್ನ ಶರೀರವನ್ನು ತೊಳೆಯುತಿದ್ದ. ಆಗ ಅಲ್ಲಿಗೆ ಕ್ಷತ್ರಬಂಧು ಎಂಬ ರಾಜ ಬರುತ್ತಾನೆ. ನೀನು ವೃದ್ಧನಂತೆ ಕಾಣುತ್ತಿರುವೆ ಆದರೂ ಬಾಲಕನಂತೆ ಚೇಷ್ಟೆ ಮಾಡುವಿಲ್ಲ ಎಂದು ರಾಜ ಚಾಂಡಾಲನಿಗೆ ಕೇಳುತ್ತಾನೆ.
ನೀನು ಸದಾ ನಾಯಿ ಮತ್ತು ಕತ್ತೆಗಳ ಜತೆಯಲ್ಲಿಯೇ ಓಡಾಡುತ್ತಿರುವಿಯಲ್ಲ. ಹಸುವಿನ ಧೂಳಿನ‌ ವಿಷಯದಲ್ಲಿ ನೀನು ಯಾಕಿಷ್ಟು ಉದ್ವೇಗ ಗೊಂಡಿರುವಿ ಎನ್ನುತ್ತಾನೆ ರಾಜ.
ಗೋವಿನ ಧೂಳಿನಿಂದ ಪೂರಿತವಾಗಿರುವ ನಿನ್ನ ದೇಹಯಾಕೆ ತೊಳೆದು ಕೊಳ್ಳುತ್ತಿರುವೆ ಎಂದು ರಾಜ ಕೇಳಿದ.
ಸತ್ಪುರಿಷರಿಗೆ ನಿಂದ್ಯವಾದ ಕರ್ಮ ನನಗೆ  ವಿಹಿತವಾಗಿದೆ ಎನ್ನುತ್ತಾನೆ ಚಾಂಡಾಲ.
ನಾನು ಗೋವಿನ ಧೂಳನ್ನು ತೊಳೆದುಕೊಳ್ಳಲು ಒಂದು ಕಾರಣವಿದೆ. ಹಿಂದೆ ನಡೆದ ಒಂದು ದೃಷ್ಟಾಂತ ಹೇಳುತ್ತಾನೆ.
ಹಿಂದೆ ಸಾತ್ವಕ ಬ್ರಾಹ್ಮಣನ ಗೋವುಗಳನ್ನು ಯಾರೋ ಕದ್ದುಕೊಂಡು ಹೋಗುತಿದ್ದರು.ಆಗ ಗೋವುಗಳ ಹಾಲಿನಿಂದ ಮಿಶ್ರಿತವಾದ ಧೂಳು ಸೋಮಲತೆ ಮೇಲೆ ಬಿದ್ದಿತು. ಆ ಸೋಮ ಲತೆಯನ್ನೇಯಾಗದಲ್ಲಿ ಉಪಯೋಗಿಸಿ ಯಜಮಾನಾದಿಯಾಗಿ ಎಲ್ಲರೂ ಅದನ್ನು ಸೇವಿಸಿದ್ದರಿಂದ ಬ್ರಾಹ್ಮಣರ ಸಂಪತ್ತು ಅಪಹರಿಸಿದ ದೋಷ ಎವರೆಲ್ಲರಿಗೂ ಅಂಟಿಕೊಂಡಿತು. ಅದರ ಪರಿಣಾಮವಾಗಿ ದಿಕ್ಷೀತರಾಜ ಸೇರಿ ಅಲ್ಲಿದ್ದ ಎಲ್ಲರಿಗೂ ಅವಸಾನದ ನಂತರ ನರಕಕ್ಕೆ ಹೋಗಬೇಕಾಯಿತು.
ಬ್ರಾಹ್ಮಣರ ಗೋವು ಅಪಹರಿಸಿಕೊಂಡು ಹೋಗಿದ್ದ ಊರಿನಲ್ಲಿ ಯಾರು ಆ ಗೋವಿನ ತುಪ್ಪ, ಹಾಲು  ಸೇವಿಸಿದ್ದರೋ ಅವರೆಲ್ಲರೂ ನರಕಕ್ಕೆ ಹೋಗಬೇಕಾಯಿತು.
ಆ ಗೋವುಗಳಿಗೆ ಹಿಂಸೆ ನೀಡಿ ಹೆಚ್ಚಿನ ಹಾಲು ಕರೆಯುತ್ತಿದ್ದರು. ಕರುಗಳಿಗೂ ಕೂಡ ಹಾಲು ಕುಡಿಯಲು ಬಿಡುತ್ತಿರಲಿಲ್ಲ. ಹಿಂಸೆ ತಾಳಲಾಗದೇ ಆ ಹಸುಗಳು ಕೋಪಕೊಂಡು ತಮ್ಮನ್ನು ಅಪಹರಿಸಿಕೊಂಡು ಬಂದ ಕುಟುಂಬದವರನ್ನೆಲ್ಲರನ್ನೂ ನಾಶ ಮಾಡಿದವು.
ಅದೆ ಹಳ್ಳಿಯಲ್ಲಿ ನಾನು ಹಿಂದಿನ ಜನ್ಮದಲ್ಲಿ ಜಿತೇಂದ್ರಿಯ ನೆಂಬ ಬ್ರಾಹ್ಮಣನಾಗಿದ್ದೆ. ಬ್ರಹ್ಮಚರ್ಯ ವ್ರತಾನುಷ್ಠಾನ ಮಾಡುತ್ತ ವಾಸವಾಗಿದ್ದೆ.

ಚಾಂಡಾಲ- ಕ್ಷತ್ರಬಂಧು ಸಂವಾದ ,  ಮಹಾಭಾರತ ಸಾರ
ಒಂದು ದಿನ ನಾನಿಟ್ಟ ಭಿಕ್ಷಾನ್ನ ಆ ಗೋವುಗಳ ಧೂಳಿಯಿಂದ ಧೋಷಪೂರಿತವಾಯಿತು. ಆ ಅನ್ನವನ್ನೇ ನಾನು ಸೇವಿಸಿದ್ದರ ಫಲವಾಗಿ ಈಗ ಚಾಂಡಾಲನಾಗಿ ಜನ್ಮತಾಳಿದ್ದಿನೆ ಎಂದು ಚಾಂಡಾಲ ರಾಜನಿಗೆ ಹೇಳುತ್ತಾನೆ.
ಈ ಚಾಂಡಾಲ ಜನ್ಮದಿಂದ ಮುಕ್ತಿಯಾಗುವ ಉಪಾಯವನ್ನು ತಿಳಿಸು ಎಂದು ರಾಜನಲ್ಲಿ ಪ್ರಾರ್ಥಿ ಸುತ್ತಾನೆ.
ಶ್ರೋತ್ರಿಯರಾದ ಬ್ರಾಹ್ಮಣರನ್ನು ರಕ್ಷಿಸುವ ಸಲಯವಾಗಿ ಪ್ರಾಣ ತ್ಯಾಗ ಮಾಡುವುದರಿಂದ ನಿನ್ನ ಈ ಚಾಂಡಾಲ ಜನ್ಮದಿಂದ ಮುಕ್ತಿ ಸಿಗಲಿದೆ ಎಂದ ರಾಜ.
ಮುಂದೆ ಒಂದು ದಿನ ಬ್ರಾಹ್ಮಣನ ಸ್ವತ್ತನ್ನು  ರಕ್ಷಿಸುವ ಸಲುವಾಗಿ ನಡೆದ ಯುದ್ಧದಲ್ಲಿ ಪ್ರಾಣತ್ಯಾಗ ಮಾಡಿ ಚಾಂಡಾಲ ಸದ್ಗತಿ ಹೊಂದಿದ.
ಸಾತ್ವಿಕರಾದ ಬ್ರಾಹ್ಮಣರ ಸ್ವತ್ತು ಅಪಹರಿಸಬಾರದು. ಬ್ರಾಹ್ಮಣ ಮಾತ್ರವಲ್ಲ ಸಾತ್ವಿಕರ ಸಂಪತ್ತು ಅಪಹರಿಸಬಾರದು ಎಂಬ ಸಂದೇಶ ಮಹಾಭಾರತ ನೀಡಿದೆ.
ನೀಚರ ಸೇವೆ,ದುರಾಭಿಮಾನ ಮತ್ತು ಮಿತ್ರನ ಪತ್ನಿ ಜತೆ ವೈಭಿಚಾರ ಮಾಡುವುದು ಮಹಾ ಅಪರಾಧ. ಅದರಲ್ಲೂ ದುರಾಭಿಮಾನ ಹೆಚ್ಚು ಪಾಪಕಾರಕವಾಗಿದೆ ಎಂದು ಭೀಷ್ಮರು ಚಾಂಡಾಲ ಮತ್ತು ರಾಜನ ಕತೆ ಹೇಳಿದರು.
 

- ಶಾಮಸುಂದರ ಕುಲಕರ್ಣಿ, ಕಲಬುರಗಿ, (9886465925)

ವಿದುರ ಮೇತ್ರೆಯರ ದಿವ್ಯ ಸಮಾಗಮ , ಮಹಾಭಾರತ ಸಾರ

 ಅಧರ್ಮಗಳ ಪ್ರತೀಕರಾದ ದುಯೋಧನಾದಿಗಳು ನ್ಯಾಯಮೂರ್ತಿಗಳಾದ ಪಾಂಡವರನ್ನು ಹಿಂಸೆ ಮಾಡುವುದನ್ನು ವಿರೋಧಿಸಿದವನು ವಿದುರ ಒಬ್ಬನೇ.
ಪಾಂಡವರನ್ನು ಅರಗಿನ ಮನೆಯ ಬೆಂಕಿಲ್ಲಿ ಸುಡುವ ಪ್ರಯತ್ನ ಮಾಡಿದಾಗ ವಿದುರ ನಿರ್ಮಿಸಿದ ದೋಣಿ ಮೂಲಕ ಪಾರಾದರು. ಅರುಗಿನ ಮನೆಯಿಂದ ಭೀಮಸೇನ ದೇವರು ಎಲ್ಲರನ್ನೂ  ಹೊತ್ತುಕೊಂಡು ಹೋಗುತ್ತಾರೆ. ವಿದುರ ಎಂದರೆ ಧರ್ಮ, ಭೀಮಸೇನ ದೇವರು ಜ್ಞಾನದ ಪ್ರತೀಕ. ನಾವು ಧರ್ಮವನ್ನು ಆಚರಿಸಿದರೆ ಎಂತಹ ಕಷ್ಟದಲ್ಲಿದ್ದರೂ ಧರ್ಮ ಮತ್ತು ಜ್ಞಾನ ನಮ್ಮನ್ನು ಕಾಪಾಡುತ್ತವೆ ಎಂಬುದು ಇದರ ತಾತ್ಪರ್ಯ.
ಜೂಜಾಟದಲ್ಲಿ ಪಾಂಡವರನ್ನು ಅನ್ಯಾಯವಾಗಿ ಸೋಲಿಸಿ, ವನವಾಸಕ್ಕೆ ಕಳಿಸಿದರೂ ವಿದುರ ಸಹನೆಯಿಂದ ಇದ್ದ. ವನವಾಸದಿಂದ ಬಂದರೂ ರಾಜ್ಯ ನೀಡಲು ನಿರಾಕರಿಸಿದಾಗ ಕೃಷ್ಣ ಸಂಧಾನಕ್ಕೆ ಬಂದಾಗಲೂ ದುರ್ಯೋಧನ ಗೌರವ ನೀಡಲಿಲ್ಲ. ನಿನ್ನ ಅಭಿಪ್ರಾಯವೇನು ಎಂದು ಕೃಷ್ಣ ವಿದುರನಿಗೆ ಕೇಳಿದಾಗ ಒಬ್ಬನ ಪ್ರೀತಿಗಾಗಿ ಇಡೀ ರಾಜ್ಯದ ಪ್ರಜೆಗಳಿಗೆ ಕಷ್ಟ ನೀಡುವ ಬದಲು ದುರ್ಯೋಧನನನ್ನೇ ರಾಜ್ಯದಿಂದ ಹೊರಗೆ ಹಾಕಬೇಕು. ಇದು ಸಮಸ್ತ ಪ್ರಜೆಗಳಿಗೆ ಓಳಿತನ್ನು ನೀಡುತ್ತದೆ ಎಂದು ಪ್ರತಿಪಾದಿಸಿದ. ಧುರ್ಯೋಧನ ವಿಧುರನನ್ನೇ ಹೊರಗೆ ಹಾಕಲು ನಿರ್ಧಸಿದ. ಅದನ್ನೆ ಕಾಯುತ್ತಿದ್ದ ವಿದುರ ತೀರ್ಥ ಯಾತ್ರೆಗೆ ತೆರಳುತ್ತಾನೆ. ಯಾರಾದರೂ ತಪ್ಪು ಮಾಡುತ್ತಿದ್ದರೆ ನೋಡಿ ಸುಮ್ಮನಿರಬಾರದು, ಪ್ರತಿಭಟಿಸಬೇಕು. ಪ್ರತಿಭಟಿಸಲು ಅಗದಿದ್ದರೆ ಅಲ್ಲಿಂದ ದೂರ ಸರಿಬೇಕು ಎಂಬುದು ಇದರ ಅರ್ಥ. ವಿದುರ ಮತ್ತು ಉದ್ಧವರ ಸಮಾಗಮವಾಗುತ್ತದೆ. ಇನ್ನು ಸ್ವಲ್ಪ ದಿನದಲ್ಲಿ ಕೃಷ್ಣ ಪರಂಧಾಮಕ್ಕೆ ತೆರಳುವ ವಿಷಯ ಮತ್ತು ಯಾದವರ ಕುಲ ನಾಶ ವಾಗಲಿದೆ ಎಂದು ಉದ್ಧವ ತಿಳಿಸುತ್ತಾನೆ.
ಯಾದವರೆಲ್ಲ ದೇವಕುಲದವರು ಅವರನ್ನು ಹೇಗೆ ಉಪ ಸಂಹಾರ ಮಾಡುವುದು ಎಂದು ಯೋಚಿಸಿ ಕೃಷ್ಣ ಯಾದವರಲ್ಲಿ ಒಬ್ಬನನ್ನು  ಹೆಣ್ಣು ವೇಷ ಧರಿಸುವಂತೆ ಮಾಡಿ ಋಷಿ ಹತ್ತಿರ ಕಳಿಸುತ್ತಾನೆ. ನನಗೆ ಯಾವ ಮಗು ಹುಟ್ಟಲಿದೆ ಎಂದು ಆ ಸ್ತ್ರೀ ವೇಷಧಾರಿ ಋಷಿಗಳಿಗೆ ಅವಮಾನ ಮಾಡುವ ರೀತಿಯಲ್ಲಿ ಕೇಳಿದ್ದಕ್ಕೆ ಒನಕೆ ಹುಟ್ಟುತ್ತದೆ ಅದರಿಂದಲೆ ನಿಮ್ಮ ನಾಶ ಎಂದು ಜ್ಞಾನಿ ಹೇಳುತ್ತಾನೆ. ಜ್ಞಾನಿಗಳ ಮಾತಿನಂತೆ  ಆ ಸ್ತ್ರೀ ವೇಷಧಾರಿ ಪುರುಷನಿಗೆ ಒನಕೆ ಜನಿಸುತ್ತದೆ. ಇದನ್ನೆ ಕುಟ್ಟಿ ಹಾಕಿದರೆ ನಮ್ಮ ಸಂಹಾರ ಎಲ್ಲಿಂದ ಎಂದು ಆ ಒನಕೆಯನ್ನು ಕುಟ್ಟಿ ಪುಡಿ ಮಾಡಿ ಸಮುದ್ರದಲ್ಲಿ ಹಾಕುತ್ತಾರೆ. ಒನಕೆ ಪುಡಿ ಸಮುದ್ರದ ದಂಡೆಯಲ್ಲಿ ದರ್ಭವಾಗಿ ಬೆಳೆಯುತ್ತದೆ. ಅದೆ ದರ್ಭದಿಂದ ಹೊಡೆದಾಡಿ ಯಾದವ ವಂಶಸ್ಥರು ಸಾಯುುತ್ತಾರೆಂದು ಹೇಳಿದ. ತತ್ವಜ್ಞಾನ ಪ್ರಸಾರ ಮಾಡಲು ಯಾದವ ಕುಲದಲ್ಲಿ ನನ್ನನ್ನು ಮಾತ್ರ ಉಳಿಸಿದ್ದಾನೆ ಎಂದು ಉದ್ಧವ ಹೇಳಿದ.

ವಿದುರ ಮೇತ್ರೆಯರ ದಿವ್ಯ ಸಮಾಗಮ ,  ಮಹಾಭಾರತ ಸಾರ
ಮುಂದೆ ವಿದುರ ಮೇತ್ರೆಯರ ಸಮಾಗಮವಾಗುತ್ತದೆ. ಮೇತ್ರೆಯರು ಬ್ರಹ್ಮಾಂಡ ಸೃಷ್ಟಿಯ ಬಗ್ಗೆ ವಿವರಿಸಿ, ಭಗವಂತ ಮೊದಲು ಬ್ರಹ್ಮದೇವರನ್ನು ಸೃಷ್ಟಿಸಿದ ಲೋಕದಲ್ಲಿ ಜನರನ್ನು ಸೃಷ್ಟಿಸಲು ಬ್ರಹ್ಮದೇವರು ಸನಕಾದಿಯರನ್ನು ಸೃಷ್ಟಿಸಿದರು. ಅವರು ಸಂಸಾರಿಗಳಾಗುವುದಿಲ್ಲ ಎಂದು ನಿರಾಕರಿಸಿದಕ್ಕೆ ಬ್ರಹ್ಮ ದೇವರ ಸಿಟ್ಟಿನಿಂದ ರುದ್ರ ದೇವರು ಜನಿಸಿದರು. ಇವರಿಂದ ಜನರ ಸೃಷ್ಟಿ ಆಗದಿದ್ದಕ್ಕೆ ಮತ್ತೆ ಶ್ವಯಂಭು ಮನು ರನ್ನು ಸೃಷ್ಟಿಸಿ ಜನರ ಸೃಷ್ಟಿಯ ಜವಬ್ದಾರಿ ವಹಿಸಿದ. ಪ್ರಳಯದಲ್ಲಿ ಭೂಮಿ ಮುಳಗಿತ್ತು. ವರಹರೂಪಿ ಭಗವಂತ ಭೂಮಿಯನ್ನು ರಕ್ಷಿಸಿದ ಎಂದು ಬ್ರಹ್ಮಾಂಡ ಸೃಷ್ಠಿಯ ಬಗ್ಗೆ  ಮೇತ್ರೆಯರು ಹೇಳಿದರು.
ನಾವು ಸುಖ ಬಯಸಿದರೂ ದು:ಖ ಸಿಗುತ್ತದೆ. ಲೌಕಿಕ ಸುಖ ಬೇಡಿದರೆ ಕೆಲ ಸಮಯ ಮಾತ್ರ ಸುಖ ಸಿಗಬಹುದು ಆದರೆ  ದುಃಖ ವನ್ನು ಬೇಡಿದರೆ ಶಾಶ್ವತ ಸುಖ ಸಿಗುತ್ತದೆ. ನಾವು ತಪಸ್ಸು ಮಾಡುವುದು ಮುಖ್ಯವಲ್ಲ. ಅನೇಕ ಜನರಿಗೆ ಶಾಸ್ತ್ರೋಪದೇಶ ನೀಡುವುದು ಮುಖ್ಯ.
ಜ್ಞ್ಞಾನಿಗಳಿಂದ ಶಾಪ ಪಡೆದರೆ ನರಕದಲ್ಲೂ ನಮ್ಮನ್ನು  ಅತ್ಯಂತ ಹೀನಾಯ ಸ್ಥಿತಿಯಲ್ಲಿ ಭಗವಂತ ಇಡುತ್ತಾನೆ. ನರಕದಲ್ಲಿಯೂ ನಮ್ಮನ್ನು ಕಡೆಗಣಿಸುತ್ತಾರೆ. ಅದಕ್ಕಾಗಿಯೇ ಮಹಾತ್ಮ, ಜ್ಞಾನಿಗಳನ್ನು ನಿಂದಿಸಬಾರದು ಎಂದು ಶಾಸ್ತ್ರ ಹೇಳಿದೆ.

- ಶಾಮಸುಂದರ ಕುಲಕರ್ಣಿ, ಕಲಬುರಗಿ (9886465925)

ನಾರದರ ಉಪದೇಶ , ಮಹಾಭಾರತ ಸಾರ

 ಸಮುದ್ರದಲ್ಲಿ ಬರುವ ತೆರೆಗಳಿಗೆ ಎದೆ ಉಬ್ಬಿಸಿ ನಿಂತರೆ ಕೊಚ್ಚಿಕೊಂಡು ಹೋಗುತ್ತೇವೆ. ಬಾಗಿದರೆ ಅಲ್ಲಿಯೇ ಶಾಶ್ವತವಾಗಿ ನಿಲ್ಲುತ್ತೇವೆ. ಅದರಂತೆ ಸಂಸಾರ ಎಂಬ ಕ್ಷಯ ಸಾಗರದಲ್ಲಿ ತಲೆ ಬಾಗಿ ನಡೆದರೆ ಮಾತ್ರ ನಿಲ್ಲಲು ಸಾಧ್ಯ. ಜಗತ್ತಿನ ಪ್ರತಿ ವಸ್ತು ಭಗವಂತನಿಂದ ನಿರ್ಮಿತವಾದ್ದು ಎಂದು ಭಾವಿಸಬೇಕು.
ಭಗವಂತನಿಗಾಗಿ ನಾವು ಏನೂ ಮಾಡುವುದಿಲ್ಲ. ಅದರ ಅಗತ್ಯಯೂ ದೇವರಿಗಿಲ್ಲ. ನಮಗಾಗಿ.ನಾವು ಉದ್ಧಾರ ಆಗುವುದಕ್ಕಾಗಿ ಭಗವಂತನ ಸೇವೆ ಮಾಡಬೇಕು. ನಿಶ್ವಾರ್ಥ ಭಾವನೆಯಿಂದ ಭಕ್ತಿ ಮಾಡಬೇಕು. ನಮಗಾಗಿ ಪರಮಾತ್ಮ ಎಲ್ಲವನ್ನೂ ಸೃಷ್ಠಿಸಿದ್ದಾನೆ. ಆತನಿಂದ ಪಡೆದಿದ್ದನ್ನು ಆತನಿಗೆ ಸಮಪಿ೮ಸಬೇಕು. ಅದೂ ನಮ್ಮಿಂದಾಗುತ್ತಿಲ್ಲ. ಪ್ರಪಂಚದಲ್ಲಿ ನನ್ನದು ಎಂಬ ವಸ್ತು ಯಾವುದೂ ಇಲ್ಲ ಎಂಬ ಸತ್ಯ ಅರಿಯಬೇಕು ಅಂದಾಗ ಮಾತ್ರ ಸಾಧನೆ ಮಾಡಲು ಸಾಧ್ಯ.
ನಾವು ಗಳಿಸುವ ಪುಣ್ಯ ಅಲ್ಪ ಅದನ್ನೂ ಕಳೆದುಕೊಳ್ಳಲು ನಾವು ಹೊರಟಿದ್ದೇವೆ. ಪ್ರತಿಯೊಬ್ಬರಲ್ಲೂ ಒಂದೊಂದು ನ್ಯೂನ್ಯತೆ ಇರುತ್ತದೆ. ಜೀವನದಲ್ಲಿ ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕು. ವ್ಯವಹಾರಿಕ ಪಯಣದ ಜತೆ ಅಧ್ಯಾತ್ಮಿಕದತ್ತ ಒಲವು ಬೆಳೆಸಿಕೊಳ್ಳಬೇಕು.
ಮನುಷ್ಯ ತಾನು ಮಾಡಿದ ಅಧರ್ಮ ಅವನ ಅಧೋಗತಿಗೆ ಕಾರಣವಾಗುತ್ತದೆ. ಸುತ್ತಮುತ್ತ ಸಾವು ಅದರ ಮಧ್ಯೆ ನಾವು ಬದುಕುತ್ತಿದ್ದೇವೆ. ಇಂಥ ಪ್ರಪಂಚದೊಳಗೆ ಬುದುಕುವುದೇ ಒಂದು ದೊಡ್ಡ ಸಾಹಸ.
ಇಂದ್ರ ದೇವರು ಭಗವಂತನ ನೈರ್ಮಲ್ಯಕ್ಕೆ ಅವಮಾನ ಮಾಡಿದ್ದಕ್ಕೆ ಇಂದ್ರಲೋಕ ಕಳೆದುಕೊಳ್ಳಬೇಕಾಯಿತು. ನಾವು ಕೂಡ ಭಗವಂತನಿಗೆ ಅಪಮಾನ ಮಾಡಿದರೆ ಕಷ್ಟಕ್ಕೆ ಸಿಲುಕುತ್ತೇವೆ. ಕಷ್ಟ ಬಂದಾಗಲಾದರೂ ದೇವರ ನಾಮಸ್ಮರಣೆ ಮಾಡಬೇಕು. ಭಗವಂತನಲ್ಲಿ ಭಕ್ತಿ ಬೆಳೆಸಿಕೊಳ್ಳಬೇಕು. ಕೊನೆ ಪಕ್ಷ ಭಕ್ತಿ ಸಾಧನೆಗೆ ಪ್ರಯತ್ನಿಸಬೇಕು.
ಸಂಪತ್ತು, ಅಂತಸ್ತಿನಿಂದ ಭಗವಂತನನ್ನು ಒಲಿಸಿಕೊಳ್ಳುವುದು ಸಾಧ್ಯವಿಲ್ಲ. ನಿಶ್ಚಲವಾದ ಭಕ್ತಿಯಿಂದ ಮಾತ್ರ ಪರಮಾತ್ಮನನ್ನು ಒಲಿಸಿಕೊಳ್ಳಬಹುದು. ದೇವರಲ್ಲಿ ತಾರತಮ್ಯವಿಲ್ಲ. ಕರ್ಮಕ್ಕೆ ತಕ್ಕ ಫಲ ನೀಡುತ್ತಾನೆ.
ಮಾನವ ಜನ್ಮ ದೊಡ್ಡದು. ಎಷ್ಟೋ ತಪಸ್ಸಿನ ಫಲದಿಂದ ಸಿಗುವ ಈ ಜನ್ಮವನ್ನು ವ್ಯರ್ಥ ಹಾಳುಮಾಡಿಕೊಳ್ಳದೆ ಸಾಧನೆಯತ್ತ ಚಿತ್ತ ಹರಿಸಬೇಕು. ಬಹು ಚಂಚಲವಾದ ಮನಸ್ಸಿಗೆ ಉತ್ತಮ ಸಂಸ್ಕಾರ ನೀಡಬೇಕು. ಮನಸಿನ ಕೈಯಲ್ಲಿ ನಾವಿರಬಾರದು ಮನಸ್ಸನ್ನು ನಮ್ಮ ಕೈಯಲ್ಲಿಟ್ಟುಕೊಳ್ಳಬೇಕು. ನಾವು ಹೇಳಿದಂತೆ ಮನಸ್ಸು ಕೇಳಬೇಕು ಅಂದಾಗ ಮಾತ್ರ ಸಾಧನೆ ಮಾಡಲು ಸಾಧ್ಯ.  

ನಾರದರ ಉಪದೇಶ , ಮಹಾಭಾರತ ಸಾರ
ನಾವು ಮಾಡಿದ ಪಾಪ ನಮ್ಮನ್ನು  ಪೀಡಿಸುತ್ತದೆ. ಯಜ್ಞಯಾಗಾದಿ ಎಲ್ಲಿ ನಡೆಯುತ್ತಿವೆಯೋ ಅಲ್ಲಿ ಸುಭೀಕ್ಷೆ ಇರುತ್ತದೆ. ಹೋಮ ಮಾಡುವುದರಿಂದ ಶುದ್ಧ ವಾತಾವರಣ ನಿರ್ಮಾಣವಾಗುತ್ತದೆ. ಯಜ್ಞ ಹೇಗೆ ಮಾಡಬೇಕು ಎಂದು ನಮಗೆತಿಳಿಸಿಕೊಡುವುದಕ್ಕಾಗಿಯೇ ಶ್ರೀ ಕೃಷ್ಣನು ಪಾಂಡವರಿಂದ ಅಶ್ವಮೇಧ ಯಾಗ ಮಾಡಿಸಿದ್ದಾನೆ. ನಾವು ಹೇಗೆ ಬದುಕಬೇಕು ಎಂಬುದನ್ನು ಭಗವಂತ ಕಲಿಸಿಕೊಟ್ಟಿದ್ದಾನೆ ಎಂದು ನಾರದು ಯಧಿಷ್ಢಿರನಿಗೆ ಧರ್ಮ ಪರಿಪಾಲನೆ ಕುರುತು ಉಪದೇಶ ನೀಡುತ್ತಾರೆ. ಧರ್ಮ ನಾಶವಾಗಿ ಎಲ್ಲೆಂದರಲ್ಲಿ ಅಧರ್ಮ ತಾಂಡವಾಡುತ್ತಿರುವ ಪ್ರಸ್ತುತ ದಿನಗಳಲ್ಲಿ ಮಹಾಭಾರತ ನೀಡಿದ ಈ ಸಂದೇಶ ಉಪಯುಕ್ತವಾಗಿದೆ.

- ಶಾಮಸುಂದರ ಕುಲಕರ್ಣಿ, ಕಲಬುರಗಿ (9886465925)

ಶ್ರಾದ್ಧದ ಮಹತ್ವ ಹೇಳಿದ ಭೀಷ್ಮ , ಮಹಾಭಾರತ ಸಾರ

 ಪಿತೃಗಳ ಪ್ರಿತ್ಯರ್ಥವಾಗಿ  ಕೊಡುವ ಯಾವ ವಸ್ತು ಅಕ್ಷಯವನ್ನು ಹೊಂದುತ್ತದೆ, ಯಾವ ವಸ್ತು ಕೊಡುವುದರಿಂದ ಪಿತೃಗಳು ತೃಪ್ತರಾಗುತ್ತಾರೆ ಎಂದು ಯುಧಿಷ್ಠಿರ ಭೀಷ್ಮಾಚಾರ್ಯರನ್ನು ಕೇಳುತ್ತಾನೆ.
ಶ್ರಾದ್ಧವಿಧಿಗಳ ರಹಸ್ಯವನ್ನು ತಿಳಿದ ವಿದ್ವಾಂಸರು ಯಾವ ಹವಿಸ್ಸುಗಳನ್ನು ನಿಯತ ಗೊಳಿಸುವವರೋ ಅವೆಲ್ಲವೂ ಕಾಮ್ಯಗಳನ್ನೇ ಕೊಡುತ್ತವೆ.
ಎಳ್ಳು, ಕೆಂಬತ್ತ, ಜವೆ, ಉದ್ದು,ನೀರು, ಗಡ್ಡೆ- ಗೆಣಸು ಮತ್ತು ಹಣ್ಣುಗಳು ಇವುಗಳ ಮೂಲಕವಾಗಿ ಮಾಡಿದ ಶ್ರಾದ್ಧದಿಂದ ಪಿತೃಗಳು ಒಂದು ಮಾಸ ಪರ್ಯಂತರ ತೃಪ್ತರಾಗಿರುತ್ತಾರೆ.
ಯಾವ ಶ್ರಾದ್ದದಲ್ಲಿ ಹೆಳ್ಳಿನ ಪ್ರಮಾಣ ಹೆಚ್ಚಾಗಿರುತ್ತದಯೋ ಆ ಶ್ರಾದ್ಧವು ಅಕ್ಷಯವಾದದ್ದು ಎಂದು ಮನು ಹೇಳಿದ್ದಾನೆ. ಶ್ರಾದ್ದದ ಸಂಬಂಧವಾದ ಎಲ್ಲ ಬೋಜ್ಯ ಪದಾರ್ಥದಲ್ಲಿ ಎಳ್ಳನ್ನು ಹೆಚ್ಚಾಗಿ ಬಳಸಬೇಕು.
ಗೋ ಸಂಬಂದವಾದ ವಸ್ತುಗಳಾದ ಹಾಲು, ಮೊಸರು, ತುಪ್ಪಗಳಿಂದ ಮಾಡಲ್ಪಟ್ಟ ಶ್ರಾದ್ಧದಿಂದ ಪಿತೃಗಳು ಒಂದು ಸಂವತ್ಸರದ ವರೆಗೂ ತೃಪ್ತರಾಗಿರುತ್ತಾರೆ
ಮನುಷ್ಯರು ಬಹು ಪುತ್ರರನ್ನು ಪಡೆಯುವ ಅಭಿಲಾಷೆ ಇಟ್ಟುಕೊಳ್ಳಬೇಕು. ಯಾಕಂದರೆ ಅವರಲ್ಲಿ ಒಬ್ಬ ಮಗನಾದರೂ ಗಯಾದಲ್ಲಿ ಶ್ರಾದ್ಧ ಕರ್ಮ ಮಾಡಿದರೆ ಪಿತೃಗಳಿಗೆ ಅಕ್ಷಯ ತೃಪ್ತಿಯಾಗುತ್ತದೆ.
ಕೃತಿಕಾ ನಕ್ಷತ್ರದಲ್ಲಿ ಶ್ರಾಧ್ದ ಮಾಡಿದರೆ ಪುತ್ರವಂತನಾಗಿ ರೋಗ ಮುಕ್ತನಾಗಿರುವನು,  ರೋಹಿಣಿ ನಕ್ಷತ್ರದಲ್ಲಿ ಮಾಡಿದರೆ ತೇಜಸ್ಸು,  ಮೃಗಶಿರ ನಕ್ಷತ್ರದಲ್ಲಿ  ಮಾಡಿದರೆ ಕ್ರೂರಿಯಾಗಿರುತ್ತಾರೆ. ಆಶ್ಲೇಷ ನಕ್ಷತ್ರದಲ್ಲಿ ಶಾದ್ದಮಾಡುವವರು ಧೀರ ಮಕ್ಕಳನ್ನು ಪಡೆಯುತ್ತಾರೆ. ಪೂರ್ವ ಪಾಲ್ಗುಣದಲ್ಲಿ ಮಾಡಿದರೆ ಸೌಭಾಗ್ಯ ಶಾಲಿ, ಉತ್ತರ ಪಾಲ್ಗುಣದಲ್ಲಿ ಮಾಡಿದರೆ ಪುತ್ರವಂತನಾಗುವನು ಎಂದು ಭೀಷ್ಮರು ಹೇಳಿದರು.

ಶ್ರಾದ್ಧದ ಮಹತ್ವ ಹೇಳಿದ ಭೀಷ್ಮ , ಮಹಾಭಾರತ ಸಾರ
ಶ್ರಾದ್ದ ಹೇಗೆ ಪ್ರಾರಂಭವಾಯಿತು, ಯಾವ ಕಾಲದಲ್ಲಿ ಪ್ರಾರಂಭವಾಯಿತು ಎಂದು ಯುಧಿಷ್ಢಿರ ಕೇಳುತ್ತಾನೆ.
ಸ್ವಯಂಭು ಬ್ರಹ್ಮನ ಮಗ ಅತ್ರಿ ಮಹರ್ಷಿ. ಆ ಅತ್ರಿಯ ವಂಶದಲ್ಲಿಯೇ ದತ್ತಾತ್ರೇಯ ಜನಿಸಿದನು. ದತ್ತಾತ್ರೇಯ ಮಗನೇ ನಿಮಿ. ನಿಮಿಗೆ ಶ್ರೀಮಂತ ಎಂಬ ಮಗ ಹುಟ್ಡಿದನು. ಶ್ರೀಮಂತನು ತಪ್ಪಸ್ಸು ಆಚರಿಸುವಾಗಲೇ ಕಾಲ ಧರ್ಮಕ್ಕೆ ಅಧೀನನಾಗಿ ನೀಧನ ಹೊಂದಿದನು. ತಂದೆಯಾದ ನಿಮಿಯೂ  ಶಾಸ್ತ್ರೋಕ್ತವಾದ ಕರ್ಮ ಗಳಿಂದ ಅಶೌಚ ನಿವಾರಿಸಿಕೊಂಡು ಪುತ್ರ ಶೋಕದಲ್ಲಿ ಮಗ್ನನಾಗಿ  ದುಃಖಿಸತೊಡಗಿದನು. ಶಾಸ್ತ್ರೋಕ್ತವಾಗಿ ಶ್ರಾದ್ಧ ಮಾಡಿದನು. ಭೂಮಂಡಲದಲ್ಲಿ ನಿಮಿಯೇ ಪ್ರಥಮ ಶ್ರಾದ್ಧಕರ್ತನು. ನಮ್ಮ ಪೂರ್ವಜರು ಮಾಡದ ಈ ಶ್ರಾದ್ಧ ಕರ್ಮ ನಾನೇಕೆ ಮಾಡಿದೆ. ಧರ್ಮ ಸಂಕರ ಉಂಟಾಗುವುದೇ ಎಂದು ಚಿಂತಿಸುತ್ತ  ತನ್ನ ವಂಶ ಪ್ರವರ್ತಕರಾದ ಅತ್ರಿಯ ಮುನಿಯನ್ನು ಧ್ಯಾನಿಸಿದ. ಅತ್ರಿ ಮುನಿಗಳು ಆಗಮಿಸಿ ಶ್ರಾದ್ಧ ಕರ್ಮ ಆಚರಣೆಯಿಂದ ಧರ್ಮ ಸಂಕರ ಉಂಟಾಗವುದಿಲ್ಲ ಎಂದು ಉಪದೇಶ ನೀಡಿದರು ಎಂದು ಭೀಷ್ಮರು ಯುಧಿಷ್ಠಿರನಿಗೆ ಶ್ರಾದ್ಧ ಆರಂಭದ ಮಹಿಮೆ ಕುರಿತು ಹೇಳಿದರು.
ನಮ್ಮನ್ನು ಹೆತ್ತು ಸಾಕಿ ದೊಡ್ಡವರನ್ನಾಗಿ ಮಾಡಿದ ತಂದೆ, ತಾಯಿಗಳ ಶ್ರಾದ್ಧ ಮಾಡದಷ್ಟು ಪಾಪಿಗಳಾಗುತ್ತಿದ್ದಾರೆ. ತಂದೆ, ತಾಯಿ ಋಣ ಎಷ್ಟು ಜನ್ಮ ತಾಳಿದರೂ ತೀರಿಸುವುದಕ್ಕಾಗುವುದಿಲ್ಲ. ಶ್ರಾದ್ಧ ಮರ್ಕ ಆಚರಿಸುವ ಮೂಲಕವಾದರೂ ಕಚಿತ್ ಋಣ ತೀರಿಸಬೇಕು.

- ಶಾಮಸುಂದರ, ಕುಲಕರ್ಣಿ, ಕಲ್ಬುರ್ಗಿ (9886465925)

ಶ್ರಾದ್ಧ ಏಕೆ, ಏನು, ಹೇಗೆ ? ಮಹಾಭಾರತ ಸಾರ

 ಧರ್ಮಾರಣೆ ಬಗ್ಗೆ ತಳಿಸಿಕೊಡಿ. ಶ್ರಾದ್ಧದ ಬಗ್ಗೆ ಅರಿತುಕೊಳ್ಳುವ ಆಸೆಯಾಗಿದೆ. ಶ್ರಾದ್ಧದ ಬಗ್ಗೆ ಸವಿಸ್ತಾರವಾಗಿ ತಿಳಿಸು ಎಂದು ಯುಧಿಷ್ಠಿರ ಭೀಷ್ಮಾಚಾರ್ಯರಲ್ಲಿ ಪ್ರಾರ್ಥಿಸುತ್ತಾನೆ.
ಪ್ರತಿಯೊಬ್ಬರು ಬಯಸುವುದು ಋಣರಹಿತ ಬದುಕು. ಸಾಲವಿಲ್ಲದ ಸಂಸಾರವೇ ಸರ್ವಾಪೇಕ್ಷಿತ. ಲೌಖಿಕವಾಗಿ ಶ್ರಮಪಟ್ಟು ಸಂಪಾದನೆ ಮಾಡಿ  ಸಾಲವಿಲ್ಲದೆ ಬದುಕಬಹುದು. ಆದರೆ ಹುಟ್ಟುವಾಗಲೆ ಸಂಪಾದಿಸಿಕೊಂಡು ಬಂದ ಸಾಲದ ಬಗ್ಗೆ ಗಮನ ಹರಿಸುವುದು ಮುಖ್ಯವಾಗಿದೆ.
ಜನಿಸುವಾಗಲೇ ದೇವಋಣ, ಋಷಿ ಋಣ, ಪಿತೃಋಣ, ಭೂತ ಋಣ ಹಾಗೂ ಜನಋಣ  ಹೀಗೆ ಐದು ಪ್ರಕಾರದ ಸಾಲಗಳು ಮನುಷ್ಯನ ಜತೆಯಲ್ಲಿಯೇ ಬಂದಿರುತ್ತವೆ. ಧನ ಸಂಪಾದಿಸಬೇಕಾದರೆ ಈ ಶರೀರ ಬೇಕು. ಈ ದೇಹವನ್ನು ಕೊಟ್ಟವರು ಯಾರು?. ತಂದೆ ತಾಯಿಯಿಂದ ಬಂದ ಈ ದೇಹ ಅವರಿಂದಲೇ ಬೆಳದಿದ್ದು, ಶರೀರ ಇರುವಷ್ಟು ಕಾಲ ಪಿತೃಋಣ ಅವರ್ಜನೀಯ. ಇದಕ್ಕಾಗಿಯೇ ಪಿತೃತರ್ಪಣ, ಪಿಂಡ ಪ್ರದಾನ, ತೀರ್ಥಯಾತ್ರೆ, ಗಯಾ ಶ್ರಾದ್ಧ, ಸಾಂವತ್ಸರಿಕ ಶ್ರಾದ್ಧ ಮಾಡಬೇಕಾಗುತ್ತದೆ.
ಶ್ರಾದ್ಧ ಎಂದರೇನು ?. ಹೇಗೆ ಮಾಡಬೇಕು. ಏಕೆ ಮಾಡಬೇಕು. ಮಾಡದಿದ್ದರೆ ಏನಾಗುತ್ತದೆ ?. ಇಲ್ಲಿ ನಾವು ಕೊಟ್ಟ ಅನ್ನಾದಿಗಳು ಪಿತೃಗಳಿಗೆ ಮುಟ್ಟುತ್ತವಯೇ?. ನಾವು ಕರೆದಾಗ ಬರುವಷ್ಟು ಅವರು ದೈವಿಶಕ್ತಿಗಳುಳ್ಳವರೆ ?. ಪಿತೃಗಳು ನರಕಾದಿಗಳಲ್ಲಿದ್ದರೆ ಅಥವಾ ಪುನರ್ಜನ್ಮ ತೆಗೆದುಕೊಂಡಿದ್ದರೆ  ಅವರು ಶ್ರಾದ್ಧಕಾಲದಲ್ಲಿ ಹೇಗೆ ಬರುವರು ಎಂಬ ಪ್ರಶ್ನೆಗಳು ಉದ್ಭವಿಸುವುದು ಸಹಜ.
ಕೆಲವರು ಶ್ರಾದ್ಧವನ್ನು ನಾಮಕಾವಾಸ್ತೆ ಮಾಡುತ್ತಾರೆ. ತಂದೆ,ತಾಯಿಯಶ್ರಾದ್ಧ ಮಾಡದಿದ್ದರೆ ನಾಲ್ಕು ಜನ ಏನಂದಾರೂ ಎಂದು ಕೆಲವರು ಮಾಡುತ್ತಾರೆ. ಯಾವುದೆ ಕರ್ಮವನ್ನು ಮಾಡಬೇಕಾದರೆ ಮೊದಲು ಅದರ ಮಹತ್ವ ತಿಳಿದುಕೊಳ್ಳಬೇಕು.
ತನ್ನ ಕುಟುಂಬದವ ಒಳಿತಿಗಾಗಿ ಪಿತೃಗಳನ್ನು ಉದ್ದೇಶಿಸಿ ಮಾಡುವ ಕಾರ್ಯಕ್ಕೆ ಶ್ರಾದ್ಧ ಎನ್ನುವರು. ಮಂತ್ರಪೂರ್ವಕವಾಗಿ ಶ್ರದ್ಧೆಯಿಂದ ಮಾಡುವುದೇ ಶ್ರಾದ್ಧ. ಅತ್ರೇಯ ಮುನಿಯ ಪುತ್ರ ನಿಮಿಯು ಪ್ರಥಮ ಶ್ರಾದ್ಧಕರ್ತ ಎಂದು ವರಹಾಪುರಾಣದಲ್ಲಿ ಉಲ್ಲೇಖಿಸಲಾಗಿದೆ.
ದೇವಕಾರ್ಯಕಿಂತಲೂ ಪಿತೃಕಾರ್ಯ ಶ್ರೇಷ್ಠ. ಶ್ರಾದ್ಧ ಮಾಡದಿದ್ದರೆ ಅಂಥವರ ರಕ್ತವನ್ನು ಪಿತೃಗಳು ಪಾನ ಮಾಡುತ್ತಾರೆ. ಎಂದರೆ ದೇಹದಲ್ಲಿನ ರಕ್ತ ಸೇವಿಸುವುದು ಎಂದಲ್ಲ. ರೋಗಿಗಳು, ದರಿದ್ರರು ಅವರ ಅಂಶದಲ್ಲಿ ಜನಿಸುತ್ತಾರೆ.
ನಾವು ಕೊಟ್ಟ ಪಿಂಡದ ಅನ್ನಾದಿಗಳು ಇಲ್ಲಿಯೇ ನಾಶವಾಗುತ್ತಿವೆಯಲ್ಲ ಎಂಬ ಪ್ರಶ್ನೆಗೆ ಉತ್ತರ ಹೀಗಿದೆ. ನಾವುಕೊಟ್ಟ ಪಿಂಡದ ಅನ್ನ ನೇರವಾಗಿ ಪಿತೃಗಳಿಗೆ ಮುಟ್ಟುವುದಿಲ್ಲ. ಇಲ್ಲಿ ನಾವು ವಸು,ರುದ್ರ, ಅದಿತ್ಯಾಂತರ್ಗತನಾದ ಪ್ರದ್ಯುಮ್ನ, ಸಂಕರ್ಷಣ, ವಾಸುದೇವ ರೂಪಿಯಾದ ಭಗವಂತನನ್ನು ಉದ್ದೇಶಿಸಿ ಪಿತೃಗಳ ನಾಮ-ಗೋತ್ರಗಳನ್ನು ಉಚ್ಚರಿಸಿ ಅನ್ನಾದಿಗಳನ್ನು ಕೊಟ್ಟಾಗ ಆಯಾ ದೇವತೆಗಳು ಅದರ ಸಾರವನ್ನು ಸ್ವೀಕರಿಸಿ ಅದರ ಲವನ್ನು ಪಿತೃಗಳು ಎಲ್ಲಿ ಯಾವ ರೂಪದಲ್ಲಿರುತ್ತಾರೋ ಯಾವ ಆಹಾರದಿಂದ ತೃಪ್ತರಾಗುತ್ತಾರೋ ಅಂಥ ಆಹಾರವನ್ನು ನೀಡುತ್ತಾರೆ.
ನಮ್ಮ ಪಿತೃಗಳಿಗೂ- ಶ್ರಾದ್ಧ ಕಾರ್ಯಕ್ಕೂ ಮಧ್ಯೆ ಮಾದ್ಯಮವಾಗಿ ಚಿರ ಪಿತೃಗಳು ನಿಂತಿರುತ್ತಾರೆ. ಅವರನ್ನು ಪ್ರಾರ್ಥಿಸಿ ಶ್ರಾದ್ಧ ಆರಂಭಿಸಬೇಕು. ಶ್ರಾದ್ಧದಲ್ಲಿ ಕುತುಪಕಾಲಕ್ಕೆ ಬಹಳ ಮಹತ್ವ ನೀಡಲಾಗಿದೆ.
ಕುತುಪ ಎಂದರೆ ಉತ್ತಮವಾದ ಭೂಮಿ, ಉತ್ತಮ ಕಾಲ, ಉತ್ತಮ ಸ್ಥಳದಲ್ಲಿ ಶ್ರಾದ್ಧ ಮಾಡುವುದು. ಕುತ್ಸಿವಾದ ಪಾಪವನ್ನು ಸುಟ್ಟು ಹಾಕುವ ಕಾಲಕ್ಕೆ(ಸಮಯ) ಕುತುಪ ಕಾಲ ಎನ್ನುವರು. ಬೆಳಗ್ಗೆ 11.36ಕ್ಕೆ ಆರಂಭವಾಗಿ ಮಧ್ಯಾಹ್ನ 3.30ರ ವರೆಗಿನ ವೇಳೆಗೆ ಕುತುಪ ಕಾಲ ಎನ್ನುವರು. ಇಷ್ಟರೊಳಗಾಗಿ ಶ್ರಾದ್ಧಕರ್ಮ, ಬ್ರಾಹ್ಮಣರ ಭೋಜನ, ತರ್ಪಣ ಹಾಗೂ ಕತೃವಿನ ಭೋಜನ ಮುಗಿಯಬೇಕು.
*ಅಮವಾಸ್ಯ ದರ್ಶ*
ಮಾನವರ ಒಂದು ತಿಂಗಳ ಕಾಲಾವಧಿ ಪಿತೃಗಳಿಗೆ ಒಂದು ದಿವಸವಾಗುತ್ತದೆ. ಅಮವಾಸ್ಯೆಯ ದಿನ ಪಿತೃಗಳಿಗೆ ಮಧ್ಯಾಹ್ನ ಕಾಲ. ಹುಣ್ಣಿಮೆ ದಿನ ರಾತ್ರಿಕಾಲ. ಮಧ್ಯಾಹ್ನ ಸೂರ್ಯನ ಕಿರಣದಿಂದ ನೊಂದ ಪಿತೃಗಳಿಗೆ ತಿಲತರ್ಪಣ ಕೊಡುವುದುರಿಂದ ಪಿತೃಗಳು ತೃಪ್ತರಾಗುತ್ತಾರೆ.
ಕೃಷ್ಣಪಕ್ಷದಲ್ಲಿ ಸೂರ್ಯ-ಚಂದ್ರರು ಸಮ್ಮುಖದಲ್ಲಿ ಬರುವುದರಿಂದ ಪಿತೃಗಳಿಗೆ ಸೂರ್ಯ ದರ್ಶನವಾಗುತ್ತದೆ. ದರ್ಶನವಿದ್ದ ದಿನ ಪಿತೃಗಳಿಗೆ ತಿಲತರ್ಪಣ ಕೊಡಬೇಕು.ದರ್ಶನದ ಅನಂತರದ ದಿನಗಳಲ್ಲಿ ತಿಲವಿಲ್ಲದೆ ಸರ್ವಪಿತೃಗಳಿಗೆ ನಿರ್ಮಾಲ್ಯ ತೀರ್ಥದಿಂದ ತರ್ಪಣ ಕೊಡಬೇಕು.
ವರಹಾರೂಪಿಯಾದ ಭಗವಂತನು ಹಿರಾಣ್ಯಾಕ್ಷನನ್ನು ಸಂಹರಿಸಿ ಭೂದೇವಿ ಜತೆಗೆ ಬರುತ್ತಿರುವಾಗ ಆತನ ಗಲ್ಲಕ್ಕೆ ಮೆತ್ತಿಕೊಂಡಿದ್ದ ಮಣ್ಣಿನ ಮುದ್ದೆಯೂ ಮೂರು ಪಿಂಡಗಳಾಗಿ ಭೂಮಿ ಮೇಲೆ ಬಿದ್ದವು ಅವುಗಳನ್ನು ಪಿತೃ, ಪಿತಾಮಹ, ಪ್ರಪಿತಾಮಹ ಎಂದು ಮೂರು ಪಿತೃಗಳನ್ನು ಉದ್ದೇಶಿಸಿ ಆರಾಧಿಸುವ ಪದ್ಧತಿ ರೂಢಿಯಲ್ಲಿ ಬಂದಿದೆ.
ವಿಶ್ವದೇವರ ಸ್ಥಾನದಲ್ಲಿ ಸಮಸಂಖ್ಯೆಲ್ಲಿ ಹಾಗೂ ಪಿತೃಸ್ಥಾನದಲ್ಲಿ ವಿಷಮ ಸಂಖ್ಯೆಲ್ಲಿ ಬ್ರಾಹ್ಮಣರು ಇರಬೇಕು. ಶ್ರಾದ್ಧ ಭೋಜನಕ್ಕೆ ಆಮಂತ್ರಿತನಾದ ಬ್ರಾಹ್ಮಣನು ಸಮಯಕ್ಕೆ ಸರಿಯಾಗಿ ಬಾರದಿದ್ದರೆ ಅಂಥ ಬ್ರಾಹ್ಮಣ ಪತಿತನಾಗಿ ರೋಗಿಯಾಗುತ್ತಾನೆ.ಅಲ್ಲದೆ ನರಕಯಾತನೆ ಅನುಭವಿಸುತ್ತಾನೆ.
ಶ್ರಾದ್ಧ ಮಾಡುವ ದಿನದಂದು ಕತೃಗಳು  ತಾಂಬೂಲ ಸೇವಿಸಬಾರದು. ತೈಲಾಭ್ಯಂಜನ ಮಾಡಬಾರದು. ಎರಡು ಬಾರಿ ಊಟ, ಸ್ತ್ರೀ ಸಂಗ, ಔಷಧಿ ಸೇವೆ, ಪರಾನ್ನ ಭೋಜನ ನಿಷೇಧ. ಇವು ಶ್ರಾದ್ಧದ ಹಿಂದಿನ ದಿನ ಮತ್ತು ಶ್ರಾದ್ಧದ ದಿವಸ ಅನ್ವಯವಾಗುತ್ತದೆ. ಶ್ರಾದ್ಧಕ್ಕೆ ಆಮಂತ್ರಿಸಿದ ಬ್ರಾಹ್ಮಣನನ್ನು ಯಾವ ಕಾರಣಕ್ಕೂ ವಾಪಸ್ ಕಳಿಸಬಾರದು. ಕಳಿಸಿದರೆ ಬ್ರಹ್ಮ ಹತ್ಯೆ ಪಾಪಕ್ಕೆ ಗುರಿಯಾಗುತ್ತಾನೆ. ಶ್ರಾದ್ಧಕರ್ಮ ಮಾಡಿಸುವುದಾಗಿ ಒಪ್ಪಿ ಹಚ್ಚಿನ ದಕ್ಷಿಣೆ ಆಸೆಗಾಗಿ ಬರುವುದಿಲ್ಲ ಎಂದು ವೈದಿಕರು ಹೇಳಬಾರದು. ಬ್ರಾಹ್ಮಣರು ಲೋಭಾದಿಗಳನ್ನು ಬಿಡಬೇಕು.

ಕಶ್ರಾದ್ಧ ಏಕೆ, ಏನು, ಹೇಗೆ ?  ಮಹಾಭಾರತ ಸಾರ
ಶ್ರಾದ್ಧ ಕರ್ಮ ಮಾಡಿದವರು ಅಂದು ಒಂದೇ ಸಲ ಊಟ ಮಾಡಬೇಕು. ವೇದ ಅಧ್ಯಯನ, ಪರ ಊರಿಗೆ ಪಯಣ, ಸ್ತ್ರೀ ಸಂಗ ಮಾಡಕೂಡದು. ಆದಿನ ಪ್ರಯಾಣ ಮಾಡಿದರೆ ಮುಂದಿನ ಜನ್ಮದಲ್ಲಿ ಕುದುರೆಯಾಗಿ, ಎರಡು ಬಾರಿ ಊಟ ಮಾಡಿದವರು ಕಾಗೆಯಾಗಿ ಜನಿಸುತ್ತಾರೆ. ಹೊರಗಿನ ತಿಂಡಿ ತಿನಸು ಸೇವಿಸಿದರೆ ಹಂದಿ ಜನ್ಮ. ಆ ದಿನ ದಾನ ಸ್ವೀಕರಿಸಿದರೆ ಬಡತನ ಪ್ರಾಪ್ತಿ. ದಾನ ಕೊಟ್ಟವನಿಗೂ ಪುಣ್ಯ ಫಲ ಸಿಗದು.
ಶ್ರಾದ್ಧವನ್ನು ಪಿಂಡ ಪ್ರದಾನ ಸಹಿತವಾಗಿಯೇ ಮಾಡಬೇಕು. ಮೃತ ತಿಥಿಯನ್ನು ಬಿಟ್ಟು ಅನಿವಾರ್ಯ ಕಾರಣದಿಂದ ಬೇರೆ ತಿಥಿಯಂದು ಶ್ರಾದ್ಧ ಮಾಡಬೇಕಾದ ಪ್ರಸಂಗ ಬಂದರೆ ಕೃತ್ತಿಕಾ, ರೋಹಿಣಿ , ರೇವತಿ, ಮಘಾ, ಜೇಷ್ಠಾ, ಮೂಲಾ ನಕ್ಷತ್ರಗಳನ್ನು  ಹಾಗೂ ಭಾನುವಾರ ಶುಕ್ರವಾರ ಬಿಟ್ಟು ಉಳಿದ ದಿನಗಳಲ್ಲಿ ಮಾಡಬೇಕು. ಪಿಂಡ ಪ್ರದಾನ ಶ್ರಾದ್ಧ ಮಾಡಲು ಅಸಮರ್ಥರಾದವರು ಸಂಕಲ್ಪ ಶ್ರಾದ್ಧ ವನ್ನಾದರೂ  ಮಾಡಲೇಬೇಕು. ಇಷ್ಟೂ ಮಾಡಲೂ ಆಗದವರು ಪಿತೃಸೂಕ್ತವನ್ನು ಪಠಿಸಬೇಕು ಎಂದು ಭೀಷ್ಮರು ಶ್ರಾಧ್ದ ಮಾಡುವ ವಿಧಾನ ಮತ್ತು ಮಹಿಮೆ ವಿವರಿಸಿದರು.
ನಮ್ಮನ್ನು ಹೆತ್ತು-ಹೊತ್ತು ಸಾಕಿ ಸಲುಹಿದ ತಂದೆ ತಾಯಿಗಳಿಗೆ ವರ್ಷಕ್ಕೊಮ್ಮೆ ಶ್ರಾದ್ಧ  ಮಾಡುವ ಮೂಲಕ ಅವರ ಋಣ ತೀರಿಸಲು ನಮ್ಮಿಂದ ಆಗುತ್ತಿಲ್ಲವಲ್ಲ. ಮೂರ್ನಾಲ್ಕು ಜನ  ಅಣ್ಣ ತಮ್ಮಂದಿ
ರಿದ್ದರೆ  ನಾನೊಬ್ಬನೇ ಮಾಡಿಕೊಳ್ಳಬೇಕೇನು ಎಂಬ ತಕರಾರಿನ ಮಾತುಗಳು ಕೇಳಿ ಬರುತ್ತವೆ. ಇದು ಸರಿಯಲ್ಲ ಶ್ರಾದ್ಧ ಕರ್ಮ ಮಾಡುವಾಗ ಮನೆಯಲ್ಲಿ ಕಲಹ ಮಾಡಬಾರದು ಎಂದಿದೆ.
ಶ್ರಾದ್ಧ ಮಾಡುವುದು ಕತೃವಿನ ಆದ್ಯ ಕರ್ತವ್ಯವಾಗಿದೆ. ಯಾವ ಕಾರಣಕ್ಕೂ ಅದನ್ನು ಬಿಡಕೂಡದು ಎಂದು ಭೀಷ್ಮರು ಹೇಳಿದರು.

- ಶಾಮಸುಂದರ ಕುಲಕರ್ಣಿ, ಕಲ್ಬುರ್ಗ (9886465925)

ತಾರಕಾಸೂರನ ವಧೆ , ಮಹಾಭಾರತ ಸಾರ

ದೇವತೆಗಳು ಬ್ರಹ್ಮದೇವರು ಹೇಳಿದ ರಹಸ್ಯ ಅಗ್ನಿಗೆ ಹೇಳುತ್ತಾರೆ. ನಂತರ ಅಗ್ನಿ ದೇವನು ಗಂಗಾ ಭಾಗೀರಥಿ ತೀರಕ್ಕೆ ಹೋದ. ಗಂಗಾ  ದೇವಿಯೊಡನೆ ಸಮಾಗಮ ಮಾಡಿ ಅವಳಲ್ಲಿ ಗರ್ಭ ವನ್ನು (ಮಹಾದೇವನಿಂದ ಪಡೆದ ವಿರ್ಯವನ್ನು)  ಇರಿಸಿದನು. ಅಗ್ನಿದೇವ ಇರಿಸಿದ  ಗರ್ಭವೂ ಗಂಗೆಯಹೊಟ್ಟೆಲ್ಲಿ ಬೆಳೆಯತೊಡಗಿತು. ಅಗ್ನಿಯ ತೇಜಸ್ಸು ಅವಳಿಗೆ ತಡೆದುಕೊಳ್ಳಲು ಆಗಲಿಲ್ಲ.ಗರ್ಭದ ಬಲದಿಂದ  ಸೋತಿದ್ದ ಗಂಗೆಯು. ನಿನ್ನ ತೇಜಸ್ಸುಧಾರಣೆ ಮಾಡಲು ನಾನು ಅಸಮರ್ಥಳಾಗಿದ್ದೇನೆ. ಬಹಳ ದುಖದಿಂದ ಈ ಗರ್ಭವನ್ನು ನಾನು ವಿಸರ್ಜಿಸುತ್ತಿದ್ದೆನೆ ಎಂದು ಅಗ್ನಿಗೆ ಹೇಳುತ್ತಾಳೆ.  ನೀನು ಗರ್ಭವನ್ನು ಧರಿಸಿಕೊಂಡಿರು. ವಿಸರ್ಜಿಸಬೇಡ ಎಂದು ಅಗ್ನಿ ಪ್ರಾರ್ಥಿಸುತ್ತಾನೆ. ಸಮಗ್ರವಾದ ಭೂಮಮಂಡಲವನ್ನೇ ಧರಿಸುಲು ನೀನುಸಮರ್ಥಳಾಗಿರುವೆ. ಈಗರ್ಭ ಧರಿಸಲು ಕಷ್ಟವೇ ಎಂದು ಕೇಳಿದ.
ಕೆಲ ದಿನಗಳ ನಂತರ ಅಗ್ನಿಯ ತೇಜಸ್ಸನ್ನು ತಾಳಲಾಗದೆ ಗಂಗೆಯು ಮೇರು ಪರ್ವತದ ಶಿಖರದಲ್ಲಿ ಗರ್ಭವನ್ನು ವಿಸರ್ಜಿಸಿದಳು.
ನಂತರ ಅಗ್ನಿಯು ಗಂಗೆಯನ್ನು ಭೇಟಿಯಾಗಿ ನಿನ್ನ ಆ ಗರ್ಭ ಯಾವ ಬಣ್ಣದ್ದಾಗಿತ್ತು ಯಾವ ರೂಪದಿಂದ ಅದು ಕಾಣಿಸಿತು ಎಂದು ಕೇಳಿದ.

ಕತಾರಕಾಸೂರನ ವಧೆ , ಮಹಾಭಾರತ ಸಾರ
ಆ ಗರ್ಭವೂ ಸುವರ್ಣಮಯವಾಗಿತ್ತು. ಕಾಂತಿಯುಕ್ತವಾಗಿತ್ತು ಎಂದು ಹೇಳಿ ಗಂಗೆ ಅದೃಶ್ಯಳಾದಳು. ಅಗ್ನಿಯು ದೇವತೆಗಳ ಆಪೇಕ್ಷೆಯಂತೆ ತನ್ನ ಕಾರ್ಯ ಪೂರೈಸಿದನು. ಅಗ್ನಿಯ ಈ ಕಾರ್ಯ ಮೆಚ್ಚಿ ದೇವತೆಗಳು
ಅಗ್ನಿಯನ್ನು ಹಿರಣ್ಯ ರೇತಸ ಎಂದು ಕರೆದರು. ಅಗ್ನಿ ಜನಿತವಾದ ಹಿರಣ್ಯ (ವಸು) ವನ್ನು ಭೂದೇವಿ ಧಾರಣೆ ಮಾಡಿದ್ದರಿಂದ ಅವಳು ವಸುಮತಿಯಾದಳು.
ಆ ಗರ್ಭವು ದಿವ್ಯವಾದ ಗುಹೆಯಲ್ಲಿ ಸೇರಿಕೊಂಡಿತು. ಅಲ್ಲಿಯೇ ಬೆಳೆಯತೊಡಗಿತು. ತೇಜಸ್ಸಿನಿಂದ ಕೂಡಿದ್ದ ಆ ಬಾಲಕನನ್ನು ನೋಡಿದ ಕೃತ್ತಿಕಾ ದೇವತೆಗಳು ತಮ್ಮ ಪುತ್ರನೆಂದೇ ಭಾವಿಸಿ ಎದೆ ಹಾಲು ಉಣಿಸಿದರು.ಕೃತಿಕಾ ನಕ್ಷತ್ರಾದಿ ದೇವತೆಗಳು  ಸಾಕಿದ ಕಾರಣ. ಬಾಲಕನಿಗೆ  ಕಾರ್ತಿಕೇಯ ಎಂಬ ಹೆಸರು ಬಂದಿತು. ಸ್ಕನ್ನವಾದ ಗರ್ಭದಿಂದ ಜನಿಸಿದ್ದಕ್ಕಾಗಿ ಸ್ಕಂದನಾದನು. ಪರ್ವತದ ಗುಹೆಯಲ್ಲಿದ್ದ ಕಾರಣ ಗುಹನೆಂದು ಹೆಸರು ಪಡೆದನು. ಗರುಢನು ತನ್ನ ಮರಿಯಾದ ನವಿಲನ್ನು ಕಾರ್ತಿಕೇಯನಿಗೆ ಕೊಟ್ಟನು. ಮುಂದೆ ಕಾರ್ತಿಕೇಯನು  ಅಮೋಘ ಅಸ್ತ್ರಗಳಿಂದ ತಾರಾಕಾಸೂರನನ್ನು ಸಂಹಾರ ಮಾಡಿದನು ಎಂದು ಭೀಷ್ಮರು ಯಧಿಷ್ಠಿರನಿಗೆ ಹೇಳಿದರು.

- ಶಾಮಸುಂದರ ಕುಲಕರ್ಣ, ಕಲಬುರಗಿ (9886465925)

ಬ್ರಹ್ಮ ನಿಂದ ದೇವತೆಗಳಿಗೆ ಅಭಯ , ಮಹಾಭಾರತಸಾರ

 ಒಂದು ದಿನ ದೇವತೆಗಳು ಬ್ರಹ್ಮದೇವರ ಬಳಿಗೆ ತೆರಳುತ್ತಾರೆ. ನಿನ್ನಿಂದ ವರ ಪಡೆದ ತಾರಕನೆಂಬ ಅಸುರನು ದೇವತೆಗಳಿಗೆ, ಋಷಿಗಳಿಗೆ ಪೀಡಿಸುತ್ತಿರುವನು. ಅವನ ಸಂವಾರ ಮಾಡಿ ಭೂಲೋಕದಲ್ಲಿ ಶಾಂತಿ ನೆಮ್ಮದಿ ನೆಲೆಸುವಂತೆ ಅನುಗ್ರಹಿಸು ಎಂದು ಬೇಡಿಕೊಳ್ಳುತ್ತಾರೆ.
ನಿನ್ನ ವರದಿಂದ ಅವನು ಮಹಾ ಬಲಶಾಲಿಯಾಗಿದ್ದಾನೆ. ದೇವತೆಗಳಿಗೂ ಅವನನ್ನು ಸಂಹರಿಸಲು ಸಾಧ್ಯವಿಲ್ಲ. ಯಾಕಂದರೆ ದೇವತೆ, ಅಸುರರಿಂದ ಹಾಗೂ ಮಾನವರಿಂದ ಸಾವು ಬರದಂತೆ ನೀವೆ ವರ ಕೊಟ್ಟಿದ್ದಿರಿ.
ಹಿಂದೆ ದೇವತೆಗಳು ರುದ್ರಾಣಿಯಲ್ಲಿ ಸಂತಾನವಾಗುವುದನ್ನು ತಡೆದಾಗ ಅವಳು ನಮಗಾರಿಗೂ ಮಕ್ಕಳಾಗದಂತೆ ಶಾಪ ಕೊಟ್ಟಿದ್ದಾಳೆ. ನಮ್ಮ ಮಕ್ಕಳಾದರೂ ತಾರಕನನ್ನು ಸಂಹರಿಸುವರು ಎಂದರೆ ಪಾರ್ವತಿದೇವಿ ಶಾಪದಿಂದಾಗಿ ನಮಗೆ ಮಕ್ಕಳಾಗುವಂತಿಲ್ಲ. ನೀವೆ ದಾರಿ ತೋರಬೇಕು ಎಂದು ದೇವತೆಗಳು ಪ್ರಾರ್ಥಿಸಿದರು.
ಪಾರ್ವತಿ ಶಾಪ ಕೊಟ್ಟ ಸಂದರ್ಭ ದಲ್ಲಿ ಅಗ್ನಿ ಅಲ್ಲಿರಲಿಲ್ಲ. ಅಗ್ನಿಗೆ ಪಾರ್ವತಿಯ ಶಾಪ ತಟ್ಟಿಲ್ಲ‌. ತಾರಕನನ್ನು ಸಂಹರಿಸಲು ಅಗ್ನಿಯು ಸಂತಾನ ಪಡೆಯುತ್ತಾನೆ. ಅಗ್ನಿಯ ಸಂತಾನವು ಅಮೋಘವಾದ ಅಸ್ತ್ರದಿಂದ ತಾರಕನನ್ನು ಸಂಹರಿಸುವನು ಎಂದು ಬ್ರಹ್ಮದೇವರು ದೇವತೆಗಳಿಗೆ ಅಭಯ ನೀಡಿದರು.
ಸನಾತನವಾದ ಸಂಕಲ್ಪವನ್ನೆ ಕಾಮ ಎಂದು ಕರೆಯುತ್ತಾರೆ. ಆ ಕಾಮನ ಪರಿಣಾಮವಾಗಿ ರುದ್ರನ ತೇಜಸ್ಸು ಸ್ಖಲಿತವಾಗಿ ಅಗ್ನಿಯಲ್ಲಿ ಬೀಳುತ್ತದೆ. ಎತಡನೇ ಅಗ್ನಿಯಂತಿದ್ದ ಆ ಮಹಾಭೂತವನ್ನು ಅಗ್ನಿಯೂ ದೇವಶತ್ರುಗಳ ಪದಾರ್ಥವಾಗಿ ಗಂಗೆಯಲ್ಲಿ ಇರಿಸಿ ಅವಳಿಂದ ಪುತ್ರನನ್ನು  ಪದುಕೊಕೊಳ್ಳುತ್ತಾನೆ. ರುದ್ರಾಣಿ ಶಾಪಕೊಟ್ಟಾಗ ಅಗ್ನಿಯೂ ನಷ್ಟವಾಗಿ ಹೋಗಿದ್ದನು. ಆದ್ದರಿಂದ ಅವನಿಗೆ ಶಾಪ ಅಂಟಿರಲಿಲ್ಲ. ದೇವತೆಗಳ ಭಯ ಪರಿಹರಿಸಲು ಅಗ್ನಿಯಲ್ಲಿ ಪಾವಕಿ (ಅಗ್ನಿ ಪುತ್ರ) ಜನಿಸುತ್ತಾನೆ ಎಂದು ತಾರಕನ ವಧೆಯ ರಹಸ್ಯವನ್ನು ಬ್ರಹ್ಮದೇವರು ದೇವತೆಗಳಿಗೆ ಹೇಳಿದರು.

ಬ್ರಹ್ಮ ನಿಂದ ದೇವತೆಗಳಿಗೆ ಅಭಯ , ಮಹಾಭಾರತಸಾರ
ಬ್ರಹ್ಮನ ಮಾತು ಕೇಳಿ ಸಂತುಷ್ಡರಾದ ದೇವತೆಗಳು ಅಲ್ಲಿಂದ ಹೊರಟರು. ಅಗ್ನಿಯನ್ನು ಹುಡುಕಲು ಶುರುಮಾಡಿರು.  ಮೂರು ಲೋಕದಲ್ಲಿ ಹುಡುಕುದರೂ ಅಗ್ನಿ ಸಿಗಲಿಲ್ಲ. ದೇವತೆಗಳಿಗೆ ,ಋಷಿಗಳಿಗೆ ಹುಡುಕಿ ಸಾಕಾಯಿತು. ರಸಾತಲದಿಂದ ಕಪ್ಪೆಯೊಂದು ಮೇಲಕ್ಕೆ ಬಂದು ನೀವು ಹುಡಕುತ್ತಿರುವ ಅಗ್ನಿಯೂ ರಸಾತಲದ ತಳದಲ್ಲಿರುವನು ಎಂದು ಹೇಳಿತು. ಅಗ್ನಿಯಿಂದ ಉತ್ಪತ್ತಿಯಾದ ತಾಪ ತಾಳದೆ ನಾನು ಇಲ್ಲಿಗೆ ಬಂದಿರುವೆ. ಅಗ್ನಿ ದೇವನು ತನ್ನ ತೇಜಸ್ಸಿನಿಂದ  ನೀರಿನೊಡನೆ ಬೆರೆತು  ನೀರಿನ ಮಧ್ಯದಲ್ಲಿ ಮಲಗಿದ್ದಾನೆ.  ನೀವು ಅಗ್ನಿಯನ್ನು  ಕಾಣಬೇಕಾದರೆ ರಸಾತಲಕ್ಕೆ ಹೋಗಿ ಎಂದು ಹೇಳಿತು ಕಪ್ಪೆ.
ಕಪ್ಪೆ ಚಾಡಿ ಹೇಳಿದ್ದಕ್ಕೆ ಕೋಪಕೊಂಡ ಅಗ್ನಿಯು ನಿನಗೆ ರಸಗಳ ಅನುಭವ ಆಗದಿರಲಿ ಎಂದು ಅಗ್ನಿ ಕಪ್ಪೆಗೆ ಶಾಪ ಕೊಟ್ಟ. ಅಗ್ನಿ ಬೇರೆ ಕಡೆ ಹೊರಟು ಹೋದ.
ಅಗ್ನಿಯ ಶಾಪದಿಂದ ನಾಲಿಗೆ ಕಳೆದುಕೊಂಡರೂ ನಾನಾ ವಿಧವಾದ ವಾಣಿಯಲ್ಲಿ ಉಚ್ಚರಿಸಲು ನೀನು ಸಮರ್ಥ ನಾಗಿರುವೆ ಎಂದು ದೇವತೆಗಳು ಕಪ್ಪೆಯನ್ನು ಅನುಗ್ರಹಿಸಿದರು.
ದೇವತೆಗಳು ಎಷ್ಟು ಹುಡುಕಿದರೂ ಅಗ್ನಿ ಸಿಗಲಿಲ್ಲ. ಹೀಗೆ ಹುಡಕುತ್ತಿರುವಾಗ ಆನೆಯೊಂದು ಎದುರಿಗೆ ಬಂದು ಅಗ್ನಿಯು ಅಶ್ವತ್ಥ ವೃಕ್ಷದಲಿರುವನು ಎಂದು ಹೇಳಿತು.ಅದನ್ನು ಅರಿತ ಅಗ್ನಿಯೂ ನಿಮ್ಮ ನಾಲಿಗೆ ತಿರಗು ಮುರಗಾಗಲಿ ಎಂದು ಆನೆಗೆ ಶಾಪ ಕೊಟ್ಟ. ಅಶ್ವತ್ಥ ಮರದಿಂದ ಹೊರಗೆ ಬಂದ ಅಗ್ನಿ ಬನ್ನಿ(ಶಮಿ) ಮರದಲ್ಲಿ ಸೇರಿದ .
ಆನೆಗೂ ದೇವತೆಗಳು ಅನುಗ್ರಹಿಸಿದರು. ಮತ್ತೆ ಅಗ್ನಿಯನ್ನು ಹುಡುಕತೊಡಗಿದರು. ಅಗ್ನಿ ಶಮಿವೃಕ್ಷದಲ್ಲಿದ್ದಾನೆ  ಎಂದು ಗಿಳಿಯೊಂದು  ಹೇಳಿತು.
ನಿನಗೆ ಮಾತು ಬರದಿರಲಿ ಎಂದು ಅಗ್ನಿಯು ಗಿಳಿಗೆ ಶಾಪವನ್ನಿತ್ತನು.
ಮಾತಾನಾಡಲೂ ಬರದಿದ್ದರೂ ಧ್ವನಿ ಸುಮಧುರವಾಗಿರಲಿ ಎಂದು ದೇವತೆಗಳು ಗಿಳಿಗೂ ಅನುಗ್ರಹಿಸಿದರು.
ಶಮಿ ವೃಕ್ಷದಲ್ಲಿದ್ದ ಅಗ್ನಿಯನ್ನು ದೇವತೆಗಳು ಭೇಟಿಯಾಗುತ್ತಾರೆ. ಬ್ರಹ್ಮದೇವರ ಸಂಕಲ್ಪವನ್ನು ಅಗ್ನಿಗೆ ತಿಳಿಸುತ್ತಾರೆ.

- ಶಾಮಸುಂದರ ಕುಲಕರ್ಣ, ಕಲಬುರಗಿ (9886465925)

Terms | Privacy | 2024 🇮🇳
–>